ଆଜି ଟ୍ୱିନସିଟିରେ ଦମ ଦେଖାଇବେ ନବୀନ

ଆଜି ଟ୍ୱିନସିଟିରେ ନବୀନ କରିବେ ରୋଡ ଶୋ। ଜମିବ ପ୍ରଚାର, କମ୍ପିବ ରାଜରାସ୍ତା । ରୋଡ ଶୋକୁ ସଫଳ କରିବା ପାଇଁ ଚାଲିଛି ପ୍ରସ୍ତୁତି।

ଭୁବନେଶ୍ୱର: କାଲି ରାଜଧାନୀରେ ମୋଦି କରିଥିଲେ ରୋଡ ଶୋ । ଆଉ ଆଜି ପାଳି ନବୀନ ପଟ୍ଟନାୟକଙ୍କର। ଦମ ଦେଖାଇବେ ବିଜେଡି ସୁପ୍ରିମୋ । କଟକରୁ ଭୁବନେଶ୍ୱର ରୋଡ ଶୋ କରିବେ ନବୀନ।

ଆଜି ପ୍ରଥମେ ମୟୂରଭଞ୍ଜ ଓ କେନ୍ଦୁଝରରେ ଦଳୀୟ ପ୍ରାର୍ଥୀଙ୍କ ପାଇଁ ମାରାଥନ ପ୍ରଚାର ନବୀନ। ମୟୂରଭଞ୍ଜର କରଞ୍ଜିଆରୁ ଏହା ଆରମ୍ଭ ହେବ । ପରେ କେନ୍ଦୁଝରରେ ପ୍ରଚାର କରିବେ ବିଜେଡି ସୁପ୍ରିମୋ । 6ଟି ପୃଥକ ପୃଥକ ସ୍ଥାନରେ ଆୟୋଜିତ ସାଧାରଣ ସଭା ସାମିଲ ହେବେ ମୁଖ୍ୟମନ୍ତ୍ରୀ ।

ସନ୍ଧ୍ୟାରେ କଟକରେ ହେବ ରୋଡ ଶୋ । ହାଇଟେକ ବସରେ ପ୍ରଚାର କରିବେ ନବୀନ । ବାଲିଅନ୍ତା ନିକୁଞ୍ଜ ବିହାରୀ ମନ୍ଦିର ନିକଟରୁ ଆସି ବାଳକାଟି ମୁଖ୍ୟରାସ୍ତା ଦେଇ ଭୁବନେଶ୍ୱର ଫେରିବେ ବିଜେଡି ସୁପ୍ରିମୋ । ରୋଡ ଶୋକୁ ସଫଳ କରିବା ପାଇଁ ଜୋରସୋରରେ ପ୍ରସ୍ତୁତି ଚାଲିଛି ।