ଭୁବନେଶ୍ବର: ବିଜେପି ପଶ୍ଚିମ ଓଡିଶା ପ୍ରତି ଅବହେଳା କରିଛି । ପଶ୍ଚିମ ଓଡିଶାରୁ ବିଜେପିର 5ଜଣ ସାଂସଦ ଏଥର ନିର୍ବାଚିତ ହୋଇଥିବା ବେଳେ କେନ୍ଦ୍ର ମନ୍ତ୍ରିମଣ୍ଡଳରେ ଜଣେ ହେଲେ ସ୍ଥାନ ପାଇନାହାଁନ୍ତି । ଏହା ପଶ୍ଚିମ ଓଡିଶା ପ୍ରତି କେନ୍ଦ୍ରର ଅବହେଳା ବୋଲି ଅଭିଯୋଗ କରିଛନ୍ତି ଭଟଲି ବିଧାୟକ ତଥା ଶ୍ରମମନ୍ତ୍ରୀ ସୁଶାନ୍ତ ସିଂହ ।
ଭିଡିଓ ସୌଜନ୍ୟ: ବ୍ୟୁରୋ ଚିଫ୍, ଭୁବନେଶ୍ବର
ସେ ଅଭିଯୋଗ କରିଛନ୍ତି ଯେ, ବିଜେପି ପଶ୍ଚିମ ଓଡିଶାର ବିକାଶର ଡିଣ୍ଡିମ ପିଟୁଥିବା କେନ୍ଦ୍ର ମନ୍ତ୍ରିମଣ୍ଡଳରେ ପଶ୍ଚିମ ଓଡିଶାର ପ୍ରତିନିଧିତ୍ବକୁ ଗୁରୁତ୍ବ ଦେଉନାହିଁ । ଅନ୍ୟପକ୍ଷରେ ବିଧାନସଭା ନିର୍ବାଚନରେ ବିଜେଡି ପଶ୍ଚିମ ଓଡିଶାରୁ 35ଜଣ ବିଧାୟକ ନିର୍ବାଚିତ ହୋଇଥିବା ବେଳେ 7ଜଣ ମନ୍ତ୍ରିମଣ୍ଡଳରେ ସ୍ଥାନ ପାଇଛନ୍ତି । ପଶ୍ଚିମ ଓଡିଶାରୁ ନିର୍ବାଚିତ ହୋଇଥିବା 5ଜଣ ବିଜେପି ସାଂସଦଙ୍କ ମଧ୍ୟରୁ ଜଣଙ୍କୁ କେନ୍ଦ୍ର କ୍ୟାବିନେଟରେ ସ୍ଥାନ ମିଳିବା ଉଚିତ ଥିଲା । ଏପରିକି ଗତ ମନ୍ତ୍ରୀମଣ୍ଡଳରେ ପଶ୍ଚିମ ଓଡିଶାର ବିଜେପି ନେତା ଜୁଏଲ ଓରାମଙ୍କୁ ଏଥର ମନ୍ତ୍ରିମଣ୍ଡଳରେ ସ୍ଥାନ ଦିଆଯାଇନି ।