ଭୁବନେଶ୍ବର: ବ୍ଲକ ପୁନର୍ଗଠନ ନେଇ ବିଧାନସଭା ପ୍ରଶ୍ନକାଳରେ ସରଗରମ ଆଲୋଚନା । ଉଠିଲା ଚିତ୍ରକୋଣ୍ଡା, ଦଶରଥପୁର, ବଡଚନା ଓ ଭୋଗରାଇ ବ୍ଲକ ପୁନର୍ଗଠନ ଦାବି । 13 ଜିଲ୍ଲାରୁ 30 ଜିଲ୍ଲା ହେଲା, 6 ହଜାର ପଞ୍ଚାୟତରୁ 9 ହଜାର ପଞ୍ଚାୟତ ହେଲା । ସେହିପରି ବ୍ଲକ ବି ବୃଦ୍ଧି ହେଉ । ବଡ ବ୍ଲକ ଯୋଗୁଁ ଲୋକଙ୍କୁ ଉତ୍ତମ ସେବା ଯୋଗାଇବାରେ ପ୍ରଶାସନ ବିଫଳ ହେଉଥିବା କହିଛନ୍ତି ବିଧାୟକ ।
ପଞ୍ଚାୟତରୁ ବ୍ଲକକୁ ଗଲେ 130 କିମି ଯିବାକୁ ପଡୁଛୁ । ଦଶରଥପୁର ବ୍ଲକର ବି ସମାନ ଅବସ୍ଥା। ଲୋକେ ପ୍ରଶାଶନ ପାଖରେ ପହଞ୍ଚିବେ କେମିତି ? ତେଣୁ ବ୍ଲକ ଭାଗ ଭାଗ କରିବାକୁ ପଡିବ ବୋଲି କହିଛନ୍ତି କଂଗ୍ରେସ ବିଧାୟକ ତାରପ୍ରସାଦ ବାହିନୀପତି । ବଡଚନା ଓ ଭୋଗରାଇ ଭଳି ନିର୍ବାଚନ ମଣ୍ଡଳୀରେ ମଧ୍ୟ ଗୋଟିଏ ଲେଖାଏଁ ବ୍ଲକ ରହିଛି । ଭୋଗରାଇରେ 50ଟି ପଞ୍ଚାୟତ ରହିଛି । ଲୋକଙ୍କ ପାଖରେ ପ୍ରଶାସନ କେମିତି ପହଞ୍ଚିବ ବୋଲି ପ୍ରଶ୍ନ କରିଛନ୍ତି ଭୋଗରାଇ ବିଧାୟକ ଅନନ୍ତ ଦାସ । ହିନ୍ଦୋଳ ବ୍ଲକକୁ ପୁନର୍ଗଠନରେ ସାମିଲ କରିବାକୁ ଦାବି କରିଛନ୍ତି ବିଧାୟିକା ସୀମା ନାୟକ ।