ରାଜଧାନୀରେ ବ୍ଯବସାୟୀଙ୍କୁ ଆକ୍ରମଣ ପରେ ଲୁଟ୍

ଭୁବନେଶ୍ବର କ୍ୟାପିଟାଲ ଥାନା ଅଞ୍ଚଳରେ ବ୍ୟବସାୟୀଙ୍କୁ ଆକ୍ରମଣ ପରେ ୩ ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ।

ଭୁବନେଶ୍ବର: ରାଜଧାନୀରେ ପୁଣି ମାତିଲେ ଦୁର୍ବୃତ୍ତ। କ୍ୟାପିଟାଲ ଥାନା ଅଞ୍ଚଳରେ ବ୍ୟବସାୟୀଙ୍କୁ ଆକ୍ରମଣ ପରେ ୩ ଲକ୍ଷ ଟଙ୍କା ଲୁଟି ନେଇ ଚମ୍ପଟ ମାରିଛନ୍ତି ଦୁର୍ବୃତ୍ତ। ଲୁଟର ଶିକାର ହୋଇଥିବା ବ୍ୟବସାୟୀ ଜଣଙ୍କ ହେଲେ ୟୁନିଟ-୧ ମାର୍କେଟର ଶଶିକାନ୍ତ ପ୍ରଧାନ । ଏନେଇ ସେ କ୍ଯାପିଟାଲ ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ତଦନ୍ତ ଆରମ୍ଭ କରିଛି ପୋଲିସ।

ସୁଚନାନୁସାରେ, ସକାଳ ୧୧ ଟା ସମୟରେ ନିଜର ୟୁନିଟ-୧ ଗୋଦାମ ପାଖରେ ଠିଆ ହୋଇଥିଲେ ଶଶିକାନ୍ତ। ହଠାତ ଜଣେ ଦୁର୍ବୃତ୍ତ ରଡରେ ଶଶିକାନ୍ତଙ୍କ ମୁଣ୍ଡକୁ ଆକ୍ରମଣ କରିଥିଲେ। ଏନେଇ ସେ ଚିତ୍କାର କରିବାରୁ ଶଶିକାନ୍ତ ଧରିଥିବା ୩ ଲକ୍ଷ ଟଙ୍କାର ବ୍ଯାଗ ନେଇ ଦୁର୍ବୃତ୍ତ ମାନେ ଚମ୍ପଟ ମାରିଥିଲେ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ