ଭୁବନେଶ୍ବର: ବିଜୁ ଜନତା ଦଳର ନୀତି ଓ ଆଦର୍ଶ ଯୋଗୁଁ ଟାଣି ହୋଇଆସୁଛନ୍ତି ଶତାଧିକ କର୍ମୀ । ଏହାର ସୁଶାସନ ଯୋଗୁଁ ଦଳରେ ସାମିଲ ହୋଇଛନ୍ତି ରାଷ୍ଟ୍ରୀୟ ସାମାଜିକ ନ୍ୟାୟ ମଞ୍ଚର ଅଧ୍ୟକ୍ଷ ତଥା ଆଇନଜୀବୀ ମାନସ ଦାସ । ତେବେ ମାନସଙ୍କ ସହ ଦଳରେ ସାମିଲ ହୋଇଛନ୍ତି ଶତାଧିକ କର୍ମକର୍ତ୍ତା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର ସୂଚନା ଅନୁଯାୟୀ ରବିବାର ଦଳୀୟ କାର୍ଯ୍ୟାଳୟରେ ମାନସ ଓ ତାଙ୍କର ହଜାର ହଜାର ସମର୍ଥକ, ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ବିଧିବଦ୍ଧ ଭାବେ ପାର୍ଟିରେ ସାମିଲ ହୋଇଛନ୍ତି । ତେବେ ବିଜେଡିର ସୁଶାସନ ଭଲ ଲାଗିଥିବାରୁ ମାନସ ନିଜ ସମର୍ଥକଙ୍କ ସହ ଦଳରେ ସାମିଲ ହୋଇଥିବା ପ୍ରକାଶ କରିଛନ୍ତି ।
ଅନ୍ୟପଟେ ମାନସ ଓ ତାଙ୍କ ପତ୍ନୀ ଦଳରେ ସାମିଲ ହେବା ଦ୍ବାରା ଦଳ ଆହୁରି ମଜବୁତ୍ ହେବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମତ ରଖିଛନ୍ତି । ଏଥିସହ ଏହି ମିଶ୍ରଣ ଭୁବନେଶ୍ବର ଉତ୍ତର ନିର୍ବାଚନ ମଣ୍ଡଳୀରେ ଦଳକୁ ଶକ୍ତିଶାଳୀ କରିବ ବୋଲି କୁହାଯାଉଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
