ଭୁବନେଶ୍ୱର: ବାର ସଂଗଠନର ବାର୍ଷିକ ଉତ୍ସବରେ ଯୋଗ ଦେଇଥିଲେ ହାଇକୋର୍ଟର ମୁଖ୍ୟ ବିଚାରପତି କଳ୍ପେଶ ସତ୍ୟେନ୍ଦ୍ର ଜାଭେରୀ । ବିଭିନ୍ନ ସମୟରେ ସମସ୍ୟାକୁ ନେଇ ଗତି କରୁଥିବା ଜୁଡ଼ିସିଆଲ କମ୍ପ୍ଲେକ୍ସ ଖୁବ ଶୀଘ୍ର ପ୍ରସ୍ତୁତ କରିବା ସହ ବିଭିନ୍ନ ଅଦାଲତରେ ବକେୟା ମାମଲାର ବିଚାର ଉପରେ ଗୁରୁତ୍ୱ ଦିଆଯିବ। ଇ-ବ୍ୟବସ୍ଥାରେ କାଗଜ ବିହୀନ କୋର୍ଟ କାର୍ଯ୍ୟ ଉପରେ ବି ଗୁରୁତ୍ୱ ରହିବ। ଆଇନଜୀବୀଙ୍କୁ ସବୁ ପ୍ରକାର ତାଲିମ ଦେବା ଉଚିତ ବୋଲି ଜଷ୍ଟିସ ଜାଭେରୀ କହିଛନ୍ତି।
ଭିଡିଓ ସୌଜନ୍ୟ- ସମ୍ୱାଦଦାତା, ଭୁବନେଶ୍ୱର
ଏହି ବାର୍ଷିକ ଉତ୍ସବରେ ଯୋଗ ଦେଇ ଜଷ୍ଟିସ ଜାଭେରୀ କିଛି ଗୁରୁତ୍ୱପୂର୍ଣ୍ଣ ବିଷୟ ଉପରେ ଆଲୋଚନା କରିଥିଲେ। ଯାହାକୁ ନେଇ ଆଇନଜୀବୀଙ୍କ ସହ ନ୍ୟାୟ ପାଇବା ପାଇଁ ଆସୁଥିବା ଲୋକଙ୍କର ବିଶ୍ୱାସକୁ କିଭଳି ଜିତି ହେବ, ତା ସହ ଲୋକଙ୍କର ନ୍ୟାୟକୁ କିଭଳି ସମ୍ମାନ ଦେଇ ହେବ, ସେ ନେଇ ଆଲୋଚନା କରିଥିଲେ।