ଏକା ତାରିଖରେ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ

ରାଜ୍ୟପାଳଙ୍କ ଶପଥ ଗ୍ରହଣ ସମୟରେ ରାଜଭବନରେ ଉପସ୍ଥିତ ଥିଲେ ମୁଖ୍ୟମନ୍ତ୍ରୀ ଏବଂ ରାଜ୍ୟ ମନ୍ତ୍ରୀମଣ୍ଡଳର ଅନେକ ସଦସ୍ୟ ଓ ବିଶିଷ୍ଟ ବ୍ୟକ୍ତି । ଆଉ ଆଜି ମଧ୍ୟ....

ଭୁବନେଶ୍ବର: ଗତବର୍ଷ (2018) ଆଜିର ଦିନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଶପଥ ଗ୍ରହଣ କରିଥିଲେ । ଶପଥ ପାଠ କରାଇଥିଲେ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଭିନିତ ଶରଣ ।

2018 ମେ 29 ରେ ରାଜ୍ୟପାଳଙ୍କ ଶପଥ ଗ୍ରହଣ ଉତ୍ସବରେ ରାଜଭବନରେ ଉପସ୍ଥିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଟିମ୍ । ସ୍ଥାନ ପରିବର୍ତ୍ତନ ହୋଇଛି । ରାଜଭବନ ବଦଳରେ ପ୍ରଦର୍ଶନୀ ପଡିଆରେ ଅନୁଷ୍ଠିତ ହୋଇଛି ଶପଥ ଗ୍ରହଣ ଉତ୍ସବ ।

ଆଜି (ବୁଧବାର) ସେଠାରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି । ସେଦିନ ଥିଲା ଶପଥ ଗ୍ରହଣ ଉତ୍ସବ ଆଉ ଆଜି ମଧ୍ୟ । ହେଲେ ଖବରଟି ଟିକେ ଅଲଗା । ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ରାଜ୍ୟପାଳ ଶପଥ ଗ୍ରହଣ କରୁଥିଲେ । ଆଜି ରାଜ୍ୟପାଳ ନବୀନ ଓ ତାଙ୍କ ଟିମ୍‌ କୁ ପଦ ଓ ଗୋପନୀୟତାର ଶପଥ ପାଠ କରାଉଛନ୍ତି ।

ବ୍ୟୁରୋ ରିପୋର୍ଟ ଇଟିଭି ଭାରତ