ଭୁବନେଶ୍ବର: ନିଶା ପାଇଁ ରୂପ ବଦଳାଏ ଡ୍ରାଇଭର । ରାତି ହେଲେ ଦେଖାଏ ନିଜର ଅସଲ ପରିଚୟ । ଖୋଜିବୁଲେ ସହର ସାରା ଏସି ଲାଗିଥିବା ଘର। ଆମେ କହୁଛୁ ଏମିତି ଜଣେ ଯୁବକ ଯିଏକି ନିଶା ପାଇଁ ଡ୍ରାଇଭରରୁ ହୋଇଯାଏ ଚୋର । ଆଉ ଚୋରି କରେ ଏସିରେ ଲାଗିଥିବା ତମ୍ବା ତାର ଆଉ ପାତ। ଆଉ ଏମିତି ଜଣେ ଚୋରକୁ ଗିରଫ କରିଛି କମିଶନରେଟ ପୋଲିସ।
ଯିଏକି ଅନେକ ଦିନ ଧରି ସହର ସାରା ଲୋକଙ୍କ ନିଦ ହଜାଇଥିଲା । ଏସିରେ ଲାଗିଥିବା ଆଉଟଡୋର ଭେଣ୍ଟିଲେଟରରୁ ଏସିକୁ ସଂଯୋଗ କରୁଥିବା ପାଇପ ବା ତମ୍ବାର ପାତ। ଏହାକୁ କାଟି କିଲୋ ପିଛା ସେ ୩୦୦ରୁ ୪୦୦ ଟଙ୍କାରେ ବିକ୍ରି କରେ । ଏହି ଟଙ୍କାରେ ନିଜେ ନିଶା ସେବନ କରୁଥିବା ଜାଣିବାକୁ ପାଇଛି ପୋଲିସ । ଗିରଫ ଯୁବକର ନାମ ଇସ୍ରାଏଲ ବାଗ ଓରଫ ସମୀର, ଘର ବଲାଙ୍ଗିରର ଝାଙ୍କର ପାଲ୍ଲୀ ହୋଇଥିବାବେଳେ ବୟସ 26 ବର୍ଷ ବୋଲି ଜଣାପଡିଛି।