ଭୁବନେଶ୍ବର: ମେଡିକାଲ କାଉନ୍ସିଲ ଅଫ୍ ଇଣ୍ଡିଆ ପକ୍ଷରୁ ଶୁକ୍ରବାର ରାଜ୍ୟର 4ଟି ମେଡିକାଲ କଲେଜକୁ ଚଲିତ ଶିକ୍ଷାବର୍ଷ ଆରମ୍ଭ କରିବାକୁ ଅନୁମତି ମିଳିଛି । ଏଥିସହ ଛାତ୍ରଛାତ୍ରୀମାନଙ୍କୁ ମିଳିଛି ନାମଲେଖା ପାଇଁ ଅନୁମତି । ଏହିସବୁ ମେଡିକାଲ କଲେଜରେ ଛାତ୍ରଛାତ୍ରୀମାନେ ଏବେ ବିଭିନ୍ନ ବ୍ୟାଚରେ ପାଠ ପଢୁଛନ୍ତି । ଏମ୍ସିଆଇ ପକ୍ଷରୁ ଶୁକ୍ରବାର ଏହି ଅନୁମତି ମିଳିଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି ।
ସୂଚନା ଅନୁଯାୟୀ ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜର 2019-20 ଶିକ୍ଷାବର୍ଷରେ ଛାତ୍ରଛାତ୍ରୀମାନେ ତୃତୀୟ ବ୍ୟାଚ ପାଇଁ ନାମଲେଖା ଅନୁମତି ପାଇଛନ୍ତି । ଏଥିସହ ବାଲେଶ୍ବରସ୍ଥିତ ଫକୀରମୋହନ ମେଡିକାଲ କଲେଜକୁ ଦ୍ବିତୀୟ ବ୍ୟାଚ୍ ପାଇଁ ଅନୁମତି ମିଳିଛି । ସେହିଭଳି କୋରାପୁଟ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜରେ ତୃତୀୟ ବ୍ୟାଚ ଓ ବଲାଙ୍ଗିରସ୍ଥିତ ଭୀମଭୋଇ ମେଡିକାଲ କଲେଜକୁ ଦ୍ବିତୀୟ ବ୍ୟାଚରେ ନାମ ଲେଖାଇବାକୁ ଏମ୍ସିଆଇ ପକ୍ଷରୁ ଅନୁମତି ପ୍ରଦାନ କରାଯାଇଛି ।