ଭୁବନେଶ୍ୱର: ଓଡ଼ିଶାରେ ପ୍ରଳୟ ରଚିଛି ବାତ୍ୟା 'ଫନି' । ରାଜଧାନୀ ସମେତ ଓଡ଼ିଶାର ଅନେକ ଅଞ୍ଚଳ ଧ୍ୱସ୍ତବିଧ୍ୱସ୍ତ ହୋଇଯାଇଛି । ବିଜୁଳି, ପାଣି ଭଳି ଅତ୍ୟାବଶ୍ୟକ ସେବା ଏକ ପ୍ରକାର ଠପ ହୋଇପଡ଼ିଥିବା ବେଳେ ଲୋକମାନେ ପାଣି ମୁନ୍ଦେ ପାଇଁ ଡହଳ ବିକଳ ହେଉଥିବା ଦେଖିବାକୁ ମିଳୁଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
କେଉଁଠି କେମିତି ସପ୍ଲାଇ ପାଣି ଆସୁଥିବା ବେଳେ ଅନେକ ସ୍ଥାନରେ ପାଣି ଠୋପେ ସାତ ସପନ ପାଲଟିଛି । ଲୋକମାନେ ପାଣି ଟିକେ ପିଇବା ପାଇଁ ଡହଳବିକଳ ହେଉଥିବା ବେଳେ ନିତ୍ୟବ୍ୟବହାର କାର୍ଯ୍ୟ ଗାଧୋଇବା ଏବଂ ଲୁଗାପଟା ସଫା କରିବା ପାଇଁ ନିଜ ନିଜ ଅଞ୍ଚଳରେ ଥିବା ପୋଖରୀ ମାନଙ୍କରେ ଭିଡ ଜମାଉଥିବା ଦେଖିବାକୁ ମିଳିଛି ।