ବୌଦ୍ଧ: ବହିରା ପଞ୍ଚାୟତରେ ଠାକୁରାଣୀଙ୍କ ନାମରେ ଥିବା ଜମି ଜବରଦଖଲ ମାମଲାରେ ତାତିଛନ୍ତି ଗାଁର ମହିଳା ଗୋଷ୍ଠୀ । ସୂଚନା ଅନୁଯାୟୀ ଗାଁରେ ରହିଛି ନାରାୟଣୀ ଦେବୀଙ୍କ ନାମରେ 13 ଡେସିମିଲ ବିଜେସ୍ଥଳୀ । ଯାହାକୁ ଏବେ ବିନା ଅନୁମତିରେ ହଡପ କରିଛନ୍ତି ଚକ୍ରଧର ସାହୁ ନାମକ ଜନୈକ ବ୍ୟକ୍ତି ।ଆଉ ଏହାକୁ ବିରୋଧ କରି ମଙ୍ଗଳବାର ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଛନ୍ତି ଗାଁର ମହିଳା ଗୋଷ୍ଠୀ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଗାଁର ମହିଳା ଗୋଷ୍ଠୀ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରି ବିକ୍ଷୋଭ ପ୍ରଦର୍ଶନ କରିବା ସହ ଏକ ଦାବିପତ୍ର ମଧ୍ୟ ପ୍ରଦାନ କରିଛନ୍ତି । ଯେଉଁଥିରେ ରହିଛି ବାଉଁଶୁଣୀ ଆରଆଇ ଅଧୀନରେ ଥିବା ଦେବୀ ଜମି ଜବରଦଖଲ ମାମଲାର ଅଭିଯୋଗ । ତେବେ ଏହି ବିକ୍ଷୋଭରେ ମହିଳା ଗୋଷ୍ଠୀ ସହ ସାମିଲ ହୋଇଥିଲେ ଗାଁର ସ୍ବୟଂ ସହାୟକ ଗୋଷ୍ଠୀର କିଛି ସଦସ୍ୟ ।