ବୌଦ୍ଧ: ଦଇବ ଯେମିତି ଦାଉ ସାଜିଛି । ସ୍ବାମୀଙ୍କ ମୃତ୍ୟୁ ପରେ ଯେମିତି ତାଙ୍କ ଉପରେ ଦୁଃଖର ପାହାଡ ଭାଙ୍ଗି ପଡିଛି । ନା ଅଛି ଘର ନା ଅଛି ଜମି । ଆଉ ତା ଭିତରେ ତିନି ତିନୋଟି ଛୁଆଙ୍କୁ ଧରି ଅତି ଦୟନୀୟ ଭାବେ ଜୀବନ କାଟୁଛନ୍ତି ବୌଦ୍ଧ ଜିଲ୍ଲା ବିରାମଚନ୍ଦ୍ରପୁର ପଞ୍ଚାୟତର ପ୍ରଭାତୀ ମାଝି । ପେଟ ପାଟଣା ପାଇଁ ପ୍ରତିଦିନ ଏଭଳି ସଂଘର୍ଷ କରୁଥିବା ଜଣେ ମହିଳାଙ୍କୁ ଏପରି ଦେଖିଲେ ସରକାରଙ୍କ ବ୍ୟବସ୍ଥା ପ୍ରତି ଉପହାସ ମନେ ହେଉଛି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଦୀର୍ଘ ଦେଢ ବର୍ଷ ହେବ ପ୍ରଭାତୀଙ୍କ ସ୍ବାମୀ କିଡନୀ ରୋଗରେ ପୀଡିତ ହୋଇ ମୃତ୍ୟୁବରଣ କରିଥିଲେ । ସେତେବେଳେ ନା ସ୍ବାମୀଙ୍କ ରୋଗ ପାଇଁ ସରକାର କୌଣସି ସୁବିଧା ଯୋଗାଇଲେ ନା ସ୍ବାମୀଙ୍କ ମୃତ୍ୟୁ ପରେ ବିଧବା ଭତ୍ତା । ସାମାଜିକ ସୁରକ୍ଷା ବ୍ୟବସ୍ଥାରେ ସୁରକ୍ଷା ଥିବା ବିଧବା ଭତ୍ତା ପାଇଁ ସେ ଅନେକ ଥର ପଞ୍ଚାୟତ କାର୍ଯ୍ୟାଳୟରେ ଗୁହାରୀ ମଧ୍ୟ କରିଛନ୍ତି । କିନ୍ତୁ ପ୍ରଶାସନ ତାଙ୍କ ପାଇଁ ଯେମିତି ହାତ ଟେକି ଦେଇଛନ୍ତି ।