ବୌଦ୍ଧ: ଜିଲ୍ଲାରେ ତରଭୁଜର ଅଭାବୀ ବିକ୍ରି । ତରଭୁଜକୁ ନେଇ ବୌଦ୍ଧ ଜିଲ୍ଲାର ଏକ ସ୍ବତନ୍ତ୍ର ପରିଚୟ ରହିଥିବା ବେଳେ ଉଚିତ ବଜାର ନମିଳି ନଥିବାରୁ ଚିନ୍ତାରେ ପଡ଼ିଛନ୍ତି ଚାଷୀ । ସାରା ରାଜ୍ୟରୁ ଆରମ୍ଭ କରି ଦେଶର ବିଭିନ୍ନ ସ୍ଥାନରେ ବୌଦ୍ଧ ତରଭୁଜର ବେଶ ଚାହିଦା ରହିଛି । ମାତ୍ର ପାଣିପାଗ ଅନିୟମିତତା ସାଙ୍ଗକୁ ଜଳସେଚନର ଅସୁବିଧା ହେତୁ ତରଭୁଜ ଚାଷରେ ସମସ୍ୟା ସୃଷ୍ଟି ହୋଇଛି ।
ତରଭୁଜର ଅଭାବୀ ବିକ୍ରି, ଚିନ୍ତାରେ ଚାଷୀ
ଉପଯୁକ୍ତ ପରିବେଶ ସାଙ୍ଗକୁ ଉର୍ବର ମାଟି ଯୋଗୁଁ ଜିଲ୍ଲାର ତରଭୁଜ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ଜିଲ୍ଲାର ହରଭଙ୍ଗା,କଣ୍ଟାମାଳ ଓ ବୌଦ୍ଧ ବ୍ଲକର ବିଭିନ୍ନ ସ୍ଥାନରେ ପ୍ରଚୁର ପରିମାଣରେ ତରଭୁଜ ଅମଳ ହୁଏ । ଏହା ଏକ ଲାଭଦାୟକ ଚାଷ ହୋଇଥିବାରୁ ଦୀର୍ଘ ବର୍ଷ ହେଲା ଚାଷୀମାନେ ତରଭୁଜ ଉପରେ ନିର୍ଭର କରନ୍ତି । ହେଲେ ଚଳିତ ବର୍ଷ ପାଣିପାଗରେ ଅନିୟମିତତା ସାଙ୍ଗକୁ ଜଳସେଚନର ଅସୁବିଧା ଚାଷୀଙ୍କ ମୁଣ୍ଡବିନ୍ଧାର କାରଣ ପାଲଟିଛି ।