ବୌଦ୍ଧ:ଉନ୍ନୟନ ପାଇଁ ବଳି ପଡୁଛି ହଜାର ହଜାର ବୃକ୍ଷ । ଶ୍ରୀକ୍ଷେତ୍ର ଘୋଷଯାତ୍ରାର ରଥ ପାଇଁ ଅଧିକ ରଥକାଠ ଯୋଗାଇବା ଲକ୍ଷ୍ୟରେ ଜିଲ୍ଲାର ବିଭିନ୍ନ ଶ୍ରୀଜଗନ୍ନାଥ ବନ ପ୍ରକଳ୍ପ ଓ ବିଭିନ୍ନ ସ୍ଥାନରେ କରାଯିବ ବନୀକରଣ । ରାସ୍ତା ପ୍ରଶସ୍ତିକରଣ ଠାରୁ ନେଇ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ ଅନେକ ଗଛ କଟାଯାଉଥିବାରୁ ଏହାର ପ୍ରତିବଦଳରେ ଅଧିକ ସବୁଜିମା ସୃଷ୍ଟି କରିବା ପାଇଁ ଚେଷ୍ଟା କରୁଛନ୍ତି ଜିଲ୍ଲା ପ୍ରଶାସନ ଏବଂ ବନ ଅଧିକାରୀ ।
ଶ୍ରୀଜଗନ୍ନାଥ ବନ ପ୍ରକଳ୍ପରେ ସୃଷ୍ଟି ହେବ ରଥକାଠ ପାଇଁ ନୂଆ ସମ୍ଭାବନା
ଏହାଛଡା ବଡ ଠାକୁରଙ୍କ ରଥଯାତ୍ରାରେ ରଥ ପାଇଁ ଆବଶ୍ୟକ ପଡୁଥିବା ରଥକାଠ ଯୋଗାଇବା ଲକ୍ଷ୍ୟରେ ଶ୍ରୀଜଗନ୍ନାଥ ବନ ପ୍ରକଳ୍ପ ଗୁଡିକରେ ମଧ୍ୟ ଫାସୀ ଅସନ ଭଳି ବୃକ୍ଷ ରୋପଣ କାର୍ଯ୍ୟ ହାତକୁ ନିଆଯାଇଛି । ବୌଦ୍ଧ ଜିଲ୍ଲାରେ ବିଗତ କିଛି ବର୍ଷ ମଧ୍ୟରେ ଉନ୍ନୟନ ପାଇଁ ବହୁ ଗଛ କଟାଯାଇଥିବାରୁ ଏହାର ପ୍ରତିବଦଳରେ ପର୍ଯ୍ୟାପ୍ତ ବନୀକରଣ ସୃଷ୍ଟି କରିବାକୁ ପ୍ରୟାସ କରାଯାଉଛି ।