ବୌଦ୍ଧ:ମହାନଦୀରେ ଶୀତ ଋତୁ ଆରମ୍ଭରୁ ଜଳସ୍ରୋତ ଶୁଖିଯିବାକୁ ବସିଛି । ଇଟିଭି ଭାରତରେ ଖବର ପ୍ରସାରଣ ପରେ ଯୁବ ବର୍ଗ ଏନେଇ ଜିଲ୍ଲାପାଳଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି । ଶୀତ ଦିନ ଆରମ୍ଭରୁ ଶୁଖିଯିଵାକୁ ବସିଲାଣି ମହାନଦୀର ଜଳ ରାଶି । ବୌଦ୍ଧ ଜିଲ୍ଲାର ନବେ ପ୍ରତିଶତ ଅଧିବାସୀ ପାନୀୟଜଳ ପାଇଁ ମହାନଦୀର ଜଳ ଉପରେ ନିର୍ଭର କରିଥାନ୍ତି । କିନ୍ତୁ ଚଳିତ ବର୍ଷ ମହାନଦୀରେ ଜଳସ୍ରୋତ କମି କେବଳ ମଝିରେ ଏକ ଛୋଟ ଧାର ପ୍ରବାହିତ ହେଉଛି ।
ଶୁଖି ଯାଉଛି ମହାନଦୀ, ପଦକ୍ଷେପ ପାଇଁ ଦାବିପତ୍ର ପ୍ରଦାନ
ତେଣୁ ଆଗାମୀ ଦିନରେ ଜଳ ସଙ୍କଟର ସମ୍ଭାବନା ଦେଖାଦେଇଛି । ଗତ ପାଞ୍ଚ ଦିନ ପୂର୍ବରୁ ଇଟିଭି ଭାରତରେ ଜଳସଙ୍କଟକୁ ନେଇ ଖବର ପ୍ରସାରଣ ପରେ ଶୁକ୍ରବାର ବୌଦ୍ଧର କେତେକ ଯୁବକ ଏ ସମ୍ପର୍କରେ ବୌଦ୍ଧ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି ।