ବୌଦ୍ଧ: ବାଜି ଯାଇଛି ନିର୍ବାଚନ ଘଣ୍ଟି । ଏହା ସହିତ ଆରମ୍ଭ ହୋଇଯାଇଛି ଦଳ ଅଦଳବଦଳ ନୀତି । ଏହି କ୍ରମରେ ବିଜେଡିର ଆଉ ଜଣେ ହେଭିଓ୍ବେଟ ନେତା ଦଳ ଛାଡିବେ ବୋଲି ଜଣା ପଡିଛି । ସେ ଦଳର ପ୍ରତିଷ୍ଠାତା ସଦସ୍ୟ ତଥା ରାଜ୍ୟ ବୟନିକା ସଭାପତି ଶେଷଦେବ ମେହେର । ଏନେଇ ସେ ନିଜେ ସୂଚନା ଦେଇଛନ୍ତି । ତେବେ ଦଳ ଛାଡି ସେ ଅନ୍ୟ କୌଣସି ଦଳରେ ଯୋଗ ଦେବେ ନାହିଁ ବରଂ ସ୍ବାଧୀନ ପ୍ରାର୍ଥୀ ହୋଇ ଲଢିବେ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ସୂଚନା ମୁତାବକ, କଣ୍ଟାମାଳ ଆସନରେ ବିଜେଡିର ପ୍ରାର୍ଥୀ ଘୋଷଣା ପରେ ବିଜେଡି ସହ ଜଡିତ ଅନେକ ନେତା ମିଳିତ ଭାବେ ଏହାକୁ ବିରୋଧ କରିଛନ୍ତି । ଏହା ସହିତ ଶ୍ରୀ ମେହେରଙ୍କୁ ସ୍ବାଧୀନ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଛନ୍ତି । ମଙ୍ଗଳବାର କଣ୍ଟାମାଳରେ ବିଜେଡିର ଏକ ବିଦ୍ରୋହୀ ଗୋଷ୍ଠୀ ଶକ୍ତି ପ୍ରଦର୍ଶନ କରିବା ପରେ ବୁଧବାର ଏନେଇ ନିଷ୍ପତ୍ତି ଚୂଡ଼ାନ୍ତ ହୋଇଛି ।