ବୌଦ୍ଧ:ବନୀକରଣ ନାଁରେ ଖର୍ଚ୍ଚ ହୋଇଛି କୋଟି କୋଟି ଅର୍ଥ । ହେଲେ ରାସ୍ତାକଡରେ ଗୋଟିଏ ବି ଗଛ ନାହିଁ । ବୌଦ୍ଧ ଜିଲ୍ଲାରେ କିଛି ଏଭଳି ରହିଛି ପଥପ୍ରାପ୍ତ ବନୀକରଣ ଯୋଜନାର ଚିତ୍ର । ପାଞ୍ଚଟି ବନାଞ୍ଚଳର ଅନେକ ସ୍ଥାନରେ ଆଦୌ ଗଛ ନଥିବା ବେଳେ ଏଥିପାଇଁ ଖର୍ଚ୍ଚ ହେଉଛି କୋଟି କୋଟି ଟଙ୍କା । ତେଣୁ ଜିଲ୍ଲାରେ ବନୀକରଣ ଯୋଜନା ଓ ଗ୍ରୀନ ମହାନଦୀ ମିଶନ ଫେଲ୍ ମାରିଥିବା ଅଭିଯୋଗ ହୋଇଛି ।
ବୌଦ୍ଧ ଜଙ୍ଗଲ ବିଭାଗ ଅଧିନରେ ପାଞ୍ଚଟି ବନାଞ୍ଚଳର ଅନେକ ସ୍ଥାନରେ ପଥପ୍ରାନ୍ତ ବନୀକରଣ କରାଯାଇଛି । କେତେକ ସ୍ଥାନରେ ଏହା ସଫଳ ହୋଇଥିବାବେଳେ ଅନ୍ୟ କେତେକ ସ୍ଥାନରେ ଜଙ୍ଗଲ କର୍ମଚାରୀଙ୍କ ଅବହେଳାରୁ ତାହା ସମ୍ପୂର୍ଣ୍ଣ ଉଜୁଡି ଯାଇଥିବା କୁହାଯାଉଛି । ପୁରୁଣାକଟକ ବନାଞ୍ଚଳର ଲୁଣିବାହାଲ ଠାରେ ଏଭଳି ଦୃଶ୍ୟ ଏକ ଉଦାହରଣ ମାତ୍ର । ଜିଲ୍ଲାର ମାଧପୁର, ବୌଦ୍ଧ, ମନମୁଣ୍ଡା ଓ କଣ୍ଟାମାଳ ବନାଞ୍ଚଳର ଅନେକ ସ୍ଥାନରେ ମଧ୍ୟ ଏହି ଯୋଜନା ଫେଲ ମାରିଛି । ତେବେ ଜଣେ ପୂର୍ବତନ ଜଙ୍ଗଲ ଅଧିକାରୀଙ୍କ ଯୋଗୁଁ ଜିଲ୍ଲାର ବିଭିନ୍ନ ଜଙ୍ଗଲ ଅବକ୍ଷୟ ସହିତ ବନୀକରଣ ଓ ଗ୍ରୀନ ମହାନଦୀ ମିଶନ ଫେଲ ମାରିଥିବା ଚର୍ଚ୍ଚା ହେଉଛି ।