ବୌଦ୍ଧ: ବୌଦ୍ଧ ଜିଲ୍ଲାରେ ସରିଲା ପଞ୍ଚାୟତ ନିର୍ବାଚନ । ତେବେ ବିଭିନ୍ନ ବୁଥରେ ଉତ୍ତେଜନା ସହ ବୁଥ କ୍ୟାପଚରିଂ ପାଇଁ ଉଦ୍ୟମ ହୋଇଥିବା ଅଭିଯୋଗ ହୋଇଛି । ଏପଟେ ସାନି ମତଦାନକୁ ବିରୋଧ କରି ରବିବାର ଦିନ ତମାମ ଜାତୀୟ ରାଜପଥ ଅବରୋଧ କଲେ ଆନ୍ଦୋଳନକାରୀ ।
ଅନ୍ୟପଟେ ରକ୍ସା ପଞ୍ଚାୟତ ଚାଉଁରୀଆପଦର ବୁଥରେ ହୋଇଥିବା ନିର୍ବାଚନ ଉତ୍ତେଜନା ପରେ ଏଠାରେ ଆସନ୍ତା 23 ତାରିଖରେ ସାନି ମତଦାନ ପାଇଁ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି । ତେବେ ଏହାକୁ ବିରୋଧ କରି ସ୍ଥାନୀୟ ଲୋକେ ଦିନ ତମାମ 57 ନମ୍ବର ଜାତୀୟ ରାଜପଥକୁ ଅବରୋଧ କରି ରଖିଥିଲେ । ତେବେ ସ୍ଥାନୀୟ ଲୋକେ ଚାଉଁରୀଆପଦର ସହିତ ଅମୁର୍ଡା, ମହେଶ୍ବର ପିଣ୍ଡା ବୁଥରେ ମଧ୍ୟ ଅନିୟମିତତା ହୋଇଥିବାରୁ ସେଠାରେ ମଧ୍ୟ ପୁନଃ ମତଦାନ ପାଇଁ ଦାବି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
