2 ଟ୍ରକ ମୁହାଁମୁହିଁ ଧକ୍କା, 2 ଡ୍ରାଇଭର ମୃତ

ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଗୁଦୁଗୁଦା ନିକଟରେ ଟ୍ରକକୁ ପିଟିଲା ଟ୍ରକ । ଦୁର୍ଘଟଣାରେ ଦୁଇ ଟ୍ରକ ଡ୍ରାଇଭର ମୃତ ।

ବୌଦ୍ଧ: ମର୍ମନ୍ତୁଦ ସଡକ ଦୁର୍ଘଟଣାରେ 2ଜଣଙ୍କ ମୃତ୍ୟୁ । 2 ମିନି ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଦୁଇ ଟ୍ରକର 2 ଡ୍ରାଇଭରଙ୍କ ମୃତ୍ୟୁ ହୋଇଛି । ଆଶଙ୍କା କରାଯାଉଛି ଘନ କୁହୁଡି ଯୋଗୁଁ ପରିବା ବୋଝେଇ ଟ୍ରକ ଓ ଥଣ୍ଡା ପାନୀୟ ବୋଝେଇ ଟ୍ରକ ମଧ୍ୟରେ ଦୁର୍ଘଟଣା ଘଟିଛି ।

ମଙ୍ଗଳବାର ସକାଳେ ବୌଦ୍ଧ ଜିଲ୍ଲା ମନମୁଣ୍ଡା ଥାନାର ଗୁଦୁଗୁଦା ଛକ ନିକଟରେ ଏହି ଅଘଟଣ ଘଚିଛି ।

ତେବେ ଦୁର୍ଘଟଣାସ୍ଥଳରେ ମନମୁଣ୍ଡା ପୋଲିସ ପହଞ୍ଚି 2 ମୃତଦେହକୁ ଡାକ୍ତରଖାନାକୁ ପଠେଇ ତଦନ୍ତ ଆରମ୍ଭ କରିଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ