ପୁରୀ: ପାଖେଇ ଆସୁଛି ମହାପ୍ରଭୁଙ୍କ ରଥଯାତ୍ରା । ରଥଯାତ୍ରା ପାଇଁ ଜୋରଦାର ଚାଲିଛି ରଥ ନିର୍ମାଣ । ରଥଖଳାରେ ତିନି ରଥର ନିର୍ମାଣ କାର୍ଯ୍ୟ ଆଗେଇ ଚାଲିଛି । ନିର୍ଦ୍ଧାରିତ ସମୟ ପୂର୍ବରୁ ଚାରି ନାହାକା, ୧୪ ନାହାକା, ଯୋଖା, ପ୍ରଥମ, ଦ୍ଵିତୀୟ ଓ ତୃତୀୟ ଭୂଇଁ ଆଦି ୭୫ ପ୍ରତିଶତ କାର୍ଯ୍ୟ ଶେଷ ହୋଇଛି ।
ତିନି ରଥର 75 ପ୍ରତିଶତ କାର୍ଯ୍ୟ ଶେଷ
ବର୍ତ୍ତମାନ ତିନି ରଥର ପୋଟଳ ନିର୍ମାଣ କାର୍ଯ୍ୟ ଜକିଆ କଣ୍ଟା ବାଡ଼ା ଯାଇ ପ୍ରସ୍ତୁତ ହେଉଛି । ସମସ୍ତ ପୋଟଳ ରଥ ଉପରେ ସଂଯୋଗ ପୂର୍ବରୁ ପୋଟଳ ଗୁଡ଼ିକର ଚାରି ପାର୍ଶ୍ବରେ କଣ୍ଟା ବାଡ଼ାଯିବ । ଶନିବାର ୩୨ଟି ଲେଖାଁଏ ପାଖୁଡ଼ା ନିର୍ମାଣ କରାଯିବା ପରେ କଳସ ପେଣ୍ଡିରେ ବସାଯାଇଛି । କନକ ମୁଣ୍ଡି, ଦୁଆର ବେଢା ଆଦି କାର୍ଯ୍ୟ ପାଇଁ ପ୍ରସ୍ତୁତି ଚାଲିଛି।