ବୌଦ୍ଧ: ରାଜ୍ୟରେ ଆରମ୍ଭ ହୋଇଯାଇଛି ଅସ୍ୟହ ଶୀତ । ବୌଦ୍ଧ ଜିଲ୍ଲାରେ ଦୁଇଦିନ ହେବ ହାଡଭଙ୍ଗା ଶୀତରେ କଲବଲ ହୋଇଛନ୍ତି ବୌଦ୍ଧବାସୀ । ଏ ନେଇ ପାଣିପାଗ ବିଭାଗ ପକ୍ଷରୁ ଜିଲ୍ଲାକୁ ୟେଲୋ ଓ୍ବାର୍ଣ୍ଣଂ ଜାରି ହୋଇଛି ।
ହାଡଭଙ୍ଗା ଶୀତରେ କଲବଲ ବୌଦ୍ଧବାସୀ
ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ପ୍ରବଳ ଶୀତ ସାଙ୍ଗକୁ ଘନ କୁହୁଡି ପରିଲକ୍ଷିତ ହୋଇଛି । ଗତ ଦୁଇଦିନ ହେବ ଶୀତର ଲହରୀ ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ପ୍ରବାହିତ ଶୀତରେ ଗରିବ ଲୋକେ ବିଶେଷ ଭାବରେ ପ୍ରଭାବିତ ହୋଇଛନ୍ତି ।ପାରଦ ଦଶ ଡିଗ୍ରୀରୁ ତଳେ ରହୁଥିବା ବେଳେ ଦିନ ତମାମ ଥଣ୍ଡା ଅନୁଭୂତ ହେଉଛି । ସଂନ୍ଧ୍ୟା ପାଞ୍ଚ ଟାରୁ ସକାଳ ଦଶଟା ପର୍ଯ୍ୟନ୍ତ ଘରୁ ବାହାରିବା ମୁସକିଲ ହୋଇପଡିଛି । ଫଳରେ ଲୋକେ ନିଆଁଜାଳି ସେକି ହେବା ସହ ଚା ଦୋକାନରେ ଭିଡ ଲାଗିଥିବାର ପରିଲକ୍ଷିତ ହୋଇଛି ।