ବୌଦ୍ଧ: କୋରୋନା ସଂକ୍ରମିତଙ୍କ କଣ୍ଟାକ୍ଟ ଟ୍ରେସିଂ କରିପାରୁନି ଜିଲ୍ଲା ସ୍ବାସ୍ଥ୍ୟ ବିଭାଗ । ପ୍ରଶାସନର ଧାର୍ଯ୍ୟ କଟକଣାକୁ ସାଧାରଣ ଲୋକ କଥା ଛାଡନ୍ତୁ ସରକାରୀ ବୈଠକରେ ମଧ୍ୟ କୋଭିଡ ଆଇନର ଖୋଲାଖୋଲି ଉଲ୍ଲଙ୍ଘନ କରାଯାଉଛି । ମାଡି ଆସୁଛି କୋରୋନାର ମାରାତ୍ମକ ଦ୍ବିତୀୟ ଲହରୀ କିନ୍ତୁ ଲୋକେ ଆଦୌ ସଚେତନ ନଥିବା ଦେଖାଯାଉଛି ।
ମାଡି ଆସୁଛି ମହାମାରୀ, ସଚେତନ ହେଉ ନାହାନ୍ତି ଲୋକ
ବୌଦ୍ଧ ଜିଲ୍ଲାରେ କୋରୋନା ସଂକ୍ରମଣ ଚିହ୍ନଟ ହୋଇ ସାରିଥିଲେ ମଧ୍ୟ ଜିଲ୍ଲା ସ୍ବାସ୍ଥ୍ୟ ବିଭାଗ ସଂକ୍ରମିତଙ୍କ କଣ୍ଟାକ୍ଟ ଟ୍ରେସିଂ କରିପାରି ନାହିଁ । ବୌଦ୍ଧ ଜିଲ୍ଲା ପ୍ରଶାସନ କେବଳ ଗାଇଡଲାଇନ ଜାରି କରିଥିବା ବେଳେ ଏନେଇ କୌଣସି କଡା କାର୍ଯ୍ୟାନୁଷ୍ଠାନ ହେଉନାହିଁ । ଫଳରେ କୌଣସି ସମୟରେ ମଧ୍ୟ ଜିଲ୍ଲାରେ ବିପଦଜନକ ପରିସ୍ଥିତି ସୃଷ୍ଟି ହୋଇପାରେ ବୋଲି ଚର୍ଚ୍ଚା ହେଉଛି । କଟକଣା କେବଳ କାଗଜପତ୍ରରେ ଦର୍ଶାଯାଉଥିବା ବେଳେ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଖୁଲମଖୁଲା କୋଭିଡ ଆଇନର ଉଲ୍ଲଙ୍ଘନ ହେଉଛି ।