ବୌଦ୍ଧ ଏସପି ଭାବେ ଦାୟିତ୍ବ ନେଲେ ଓ୍ବାଇ ରଘୁନାଥ ରାଓ

ବୌଦ୍ଧ ଜିଲ୍ଲାରେ ନୂଆ ଏସପି ରୂପେ ଦାୟିତ୍ବ ନେଲେ ଓ୍ବାଇ ରଘୁନାଥ ରାଓ ।

ବୌଦ୍ଧ: ବୌଦ୍ଧ ଜିଲ୍ଲାରେ ନୂଆ ଏସପି ଭାବେ ଦାୟିତ୍ବ ନେଲେ ୱାଇ ରଘୁନାଥ ରାଓ । ରାଜ୍ୟ ସରକାରଙ୍କ ନିଷ୍ପତ୍ତି କ୍ରମେ ବୌଦ୍ଧ ଜିଲ୍ଲାର ଏସପିଙ୍କ ବଦଳି ହୋଇଥିଲା । ପୂର୍ବରୁ ଏହି ପଦବୀରେ ଥିବା ସୁଧାଂଶୁ ଶେଖର ମିଶ୍ରଙ୍କ ସ୍ଥାନରେ ବୌଦ୍ଧ ଜିଲ୍ଲାର ନୂତନ ଆରକ୍ଷୀ ଅଧିକ୍ଷକ ଭାବରେ ଓ୍ବାଇ ରଘୁନାଥ ରାଓ ଆଜି ଦାୟିତ୍ବ ନେଇଛନ୍ତି ।

ଏସପି ଶ୍ରୀ ରାଓ ଜିଲ୍ଲାର ଆଇନଶୃଙ୍ଖଳା, ସାମାଜିକ ସୁରକ୍ଷା, ବୟୋଜ୍ୟେଷ୍ଠ ନାଗରିକଙ୍କ ସୁରକ୍ଷା ଓ ଅନ୍ୟାନ୍ୟ ସମ୍ବେଦନଶୀଳ ପ୍ରସଙ୍ଗ ଉପରେ ପ୍ରାଥମିକତା ଦେବେ ବୋଲି ଈଟିଭି ଭାରତକୁ ସ୍ବତନ୍ତ୍ର ସାକ୍ଷାତକାର ସେ କହିଛନ୍ତି ।

ସୋମବାର ରାଓ ଜିଲ୍ଲା ପୋଲିସ ମୁଖ୍ୟାଳୟକୁ ଆସି ଦାୟିତ୍ବ ଗ୍ରହଣ କରିଥିଲେ । ତେବେ ଦାୟିତ୍ବର ପ୍ରଥମ ଦିନରେ ବୌଦ୍ଧ ଜିଲ୍ଲାର ଅତିରିକ୍ତ ଜିଲ୍ଲାପାଳଙ୍କ ଦୁଃଖଦ ମୃତ୍ୟୁରେ ସେ ଗଭୀର ଶୋକବ୍ୟକ୍ତ କରିଛନ୍ତି ।

ଏପଟେ ରାଓ ଜଣେ ଦକ୍ଷ ତଥା ଅଭିଜ୍ଞ ପୋଲିସ ଅଧିକାରୀ ହୋଇଥିବାରୁ ଜିଲ୍ଲାରେ ଅସାମାଜିକ ତତ୍ତ୍ବ, ଗଞ୍ଜେଇ ଚାଲାଣ ଓ ଅନ୍ୟ ଅସାଧୁ ବ୍ୟକ୍ତିଙ୍କ ପାଇଁ ଏବେ ମୁଣ୍ଡ ବ୍ୟଥା ଆରମ୍ଭ ହୋଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଈଟିଭି ଭାରତ