ବୌଦ୍ଧ: ଦୀର୍ଘ ଦିନ ହେବ ତିଆରି ସରିଛି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ନୂତନ କୋଠା । କିନ୍ତୁ ବର୍ଷ ପରେ ବର୍ଷ ବିତିଯାଇଥିଲେ ମଧ୍ୟ ନୂତନ କୋଠାକୁ ଡାକ୍ତରଖାନା ସ୍ଥାନାନ୍ତର ହୋଇନଥିବାରୁ ଏହା ଭୂତକୋଠି ପାଲଟିବା ସହ ଅସାମାଜିକ ବ୍ୟକ୍ତିଙ୍କ ଆଡ୍ଡାସ୍ଥଳୀ ପାଲଟିଛି । ବଘିଆପଡାଠାରେ ପ୍ରାୟ ପାଞ୍ଚ ବର୍ଷ ତଳେ ନିର୍ମାଣ ହୋଇଥିଲା ଏହି ନୂତନ ସ୍ବାସ୍ଥ୍ୟକେନ୍ଦ୍ର କୋଠା ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ପୁରୁଣା ଡାକ୍ତରଖାନାରେ ସ୍ଥାନର ଅଭାବ ସହିତ ଷ୍ଟାଫ କ୍ବାର୍ଟର ସମସ୍ୟାକୁ ଦୃଷ୍ଟିରେ ରଖି ଏହି ନୂତନ ସ୍ଥାନ ଚିହ୍ନଟ କରି ଆଧୁନିକ ଶୈଳୀରେ କୋଠା ନିର୍ମାଣ ହୋଇଥିଲା । କିନ୍ତୁ ବିଭିନ୍ନ କାରଣରୁ ଅଦ୍ୟାବଧି ସମ୍ପୃକ୍ତ ସ୍ଥାନରେ ଡାକ୍ତରଖାନା କାର୍ଯ୍ୟକ୍ଷମ ନହେବା ଯୋଗୁଁ ଲୋକେ ଅସୁବିଧାର ସମ୍ମୁଖୀନ ହୋଇଛନ୍ତି ।