ବୌଦ୍ଧ: ପୁଅ ମୋର ଠିଆ ହେବ । ଅନ୍ୟମାନଙ୍କ ପରି ନିଜ ଗୋଡରେ ଚାଲିବ । ଏହିପରି କହି ଅସୁସ୍ଥ ପୁଅ ପାଇଁ ଭିକ୍ଷା ମାଗୁଛି ଅସହାୟ ମା ଅମୂଲ୍ୟ ବେହେରା । ସରକାରୀ ଯୋଜନା ଠାରୁ ଢେର ଦୂରରେ ଆକୁଳ ମା'ର ମମତା । ତେବେ ମୃତ୍ୟୁକୁ ସତ୍ୟ ଜାଣି ସୁଦ୍ଧା ପରିଣତ ବୟସରେ ମା ନିଜ ଅସୁସ୍ଥ ପୁଅ ପାଇଁ ମନ୍ଦିର ଦ୍ବାର ଠାରୁ ଆରମ୍ଭ କରି ଘର ଘର ବୁଲି ଭିକ୍ଷା କରୁଛି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଏହି ଘଟଣା ହେଉଛି ବୌଦ୍ଧ ସହରର 1 ୱାର୍ଡ ଅନ୍ତର୍ଗତ ଗାଇଗୋଠ ପଡିଆ ନିକଟରେ । ପୁଅ ଚିତ୍ରସେନକୁ ୪୦ ବର୍ଷରୁ ଅଧିକ ହେଲାଣି । ଦୂରାରୋଗ୍ୟରେ ପୀଡିତ ଚିତ୍ରସେନ ଦୀର୍ଘଦିନ ହେଲା ଅସୁସ୍ଥ । ଜମିବାଡି କିମ୍ବା ଘରଦ୍ୱାର କଥା ଏମାନଙ୍କ ପାଇଁ ସ୍ବପ୍ନ । ପର ପିଣ୍ଡାରେ ଆଶ୍ରା ନେଇଛନ୍ତି ଏହି ମା- ପୁଅ ।