ବୌଦ୍ଧ: ପ୍ରଥମେ ନିଖୋଜ ଅଭିଯୋଗ, ତାପରେ ମର୍ଡର ମିଷ୍ଟ୍ରି । ଶେଷରେ ଅଭିଯୁକ୍ତ ହାଜତରେ ହାଜର । ତିନି ଦିନର ସସପେନ୍ସ ପରେ ଶୁକ୍ରବାର ସନ୍ଧ୍ୟାରେ ଜଣେ ଯୁବକର ନିଖୋଜ ଘଟଣାର ପର୍ଦ୍ଦାଫାସ କରିଛି ବୌଦ୍ଧ ପୋଲିସ । ଘଟଣା ପ୍ରକାରରେ ଗତ 24 ତାରିଖ ରାତିରୁ ବୀରନରସିଂହପୁର ପଞ୍ଚାୟତ ଅନ୍ତର୍ଗତ ଘୋରଡା ଗାଁର ରଞ୍ଜିତ ଦୀପ(୩୫) କେଉଁଆଡେ ନିଖୋଜ ହୋଇଯାଇଥିଲେ । ଏନେଇ ପରିବାର ପକ୍ଷରୁ ବୌଦ୍ଧ ଥାନାରେ ଅଭିଯୋଗ ହୋଇଥିଲା । ଏହାପରେ ଘଟଣାକୁ ଗୁରୁତର ସହ ନେଇ ବୁଧବାର ତଦନ୍ତ ଆରମ୍ଭ କରିଥିଲା ପୋଲିସ । ତଦନ୍ତର ମାତ୍ର ୪୮ ଘଣ୍ଟା ମଧ୍ୟରେ ଏହା ଏକ ହତ୍ୟାକାଣ୍ଡ ତଥା ଏହି ହତ୍ୟାକାଣ୍ଡର ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇଥିଲା ବୌଦ୍ଧ ପୋଲିସ ।
ସୂଚନା ପ୍ରକାରରେ ଘୋରଡା ଗାଁର ପ୍ରକାଶ ସେଠୀ(୩୨) ସୁରଥରେ ଦାଦନ ଖଟିବା ପାଇଁ ଘରେ ସ୍ତ୍ରୀ ସେବତୀ ସେଠୀଙ୍କୁ ଛାଡି ଯାଇଥିଲେ। ଗତ ଚବିଶ ତାରିଖରେ ପ୍ରକାଶ ଗାଁକୁ ଫେରିବା ସମୟରେ ମୃତକ ସେବତୀଙ୍କୁ ଦୁଷ୍କର୍ମ ଉଦ୍ୟମ କରୁଥିବାବେଳେ ଉଭୟ ସ୍ବାମୀ ସ୍ତ୍ରୀ ମିଶି ରଞ୍ଜିତକୁ ହତ୍ୟା କରିଥିବା ପ୍ରକାଶ କହିଛନ୍ତି ।