ବୌଦ୍ଧ: ସରିଲା ଜିଲ୍ଲା ବିଜେଡି ର ବୈଠକ । କିନ୍ତୁ ଦଳ ବିରୋଧୀ କାର୍ଯ୍ୟ ସମ୍ପର୍କରେ ଉଠିଲା ପ୍ରସଙ୍ଗ । ସର୍ବ ସମ୍ମୁଖରେ ଏଭଳି ଅସ୍ବାଭାବିକ ପରିସ୍ଥିତିକୁ କ୍ଷୋଭ ତଥା ଦଳ ଭିତରର କଥା କହି ପ୍ରସଙ୍ଗ କୁ ଏଡାଇ ଯାଇଛନ୍ତି ବରିଷ୍ଠ ବିଜେଡ଼ି ନେତା ପ୍ରତାପ କେଶରୀ ଦେବ ।
ଭିଡ଼ିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଶନିବାର ବୌଦ୍ଧ ଟାଉନହଲ ଠାରେ ଜିଲ୍ଲାର ବୌଦ୍ଧ ଓ କଣ୍ଟାମାଳ ନିର୍ବାଚନ ମଣ୍ଡଳୀର କର୍ମୀଙ୍କୁ ନେଇ ବିଜୁ ଜନତା ଦଳର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । କଣ୍ଟାମାଳ ବିଧାୟକ ତଥା ଜିଲ୍ଲା ବିଜେଡି ସଭାପତି ମହିଧର ରଣାଙ୍କ ସଭାପତିତ୍ବରେ ଆୟୋଜିତ ହୋଇଛି ବୈଠକ । ମୁଖ୍ୟ ଅତିଥି ରୂପେ ପୂର୍ବତନ ରାଜ୍ୟ ସଭା ସାସଂଦ ତଥା ଆଳି ବିଧାୟକ ପ୍ରତାପ କେଶରୀ ଦେବ ଯୋଗ ଦେଇଥିଲେ । ସେହିପରି ବୌଦ୍ଧ ବିଧାୟକ ପ୍ରଦୀପ କୁମାର ଅମାତ, ଜିଲ୍ଲା ପର୍ଯ୍ୟବେକ୍ଷକ, ଜିଲ୍ଲା ବିଜେଡିର ସାଂଗଠନିକ ନେତା ଓ ଦୁଇ ବ୍ଲକର ଅଧ୍ୟକ୍ଷ ଯୋଗ ଦେଇଥିଲେ ।