ବୌଦ୍ଧ: ଜିଲ୍ଲାରେ ମାତିଥିବା ଲୁଟେରାଙ୍କ ଟାର୍ଗେଟରେ ରହିଛି ଏଟିଏମ କାଉଣ୍ଟର । ବିଭିନ୍ନ ବ୍ୟାଙ୍କର ଏଟିଏମରୁ ଅତି ଚତୁରତାର ସହିତ ଲୁଟ ଚାଲିଛି । ତେବେ ଗତ ବୁଧବାର ଏଟିଏମ ଲୁଟ ପାଇଁ ଉଦ୍ୟମ ସମୟରେ 2 ଉତ୍ତପ୍ରଦେଶ ଲୁଟେରାଙ୍କୁ ପୋଲିସ କାବୁ କରିବା ପରେ ଏ ସମ୍ପର୍କରେ ବୌଦ୍ଧ ଏସପି ଭି ରଘୁନାଥ ରାଓ କହିଛନ୍ତି ।
'ଉତ୍ତପ୍ରଦେଶ ଲୁଟେରାଙ୍କ ଟାର୍ଗେଟରେ ଓଡ଼ିଶାର ବ୍ୟାଙ୍କ ଏଟିଏମ'
ଗତ ବୁଧବାର ସକାଳ ପ୍ରାୟ ସାଢେ 8ଟା ସମୟରେ ବୌଦ୍ଧ ସହରର ବୁଟୁପାଲି ସ୍ଥିତ ଏଡିବି ବ୍ୟାଙ୍କ ଏଟିଏମରୁ ଲୁଟ ପାଇଁ ଉଦ୍ୟମ ସମୟରେ ଉତ୍ତର ପ୍ରଦେଶର 2 ଜଣ ସନ୍ଦିଗ୍ଧଙ୍କୁ ବୌଦ୍ଧ ପୋଲିସର ସ୍ବତନ୍ତ୍ର ଦଳ ସାଧା ପୋଷାକରେ ଚଢ଼ାଉ କରି କାବୁ କରିବାରେ ସଫଳ ହୋଇଥିଲେ । ତେବେ ତଦନ୍ତ ସମୟରେ ସେମାନଙ୍କ ନିକଟରୁ 20ରୁ ଊର୍ଦ୍ଧ୍ବ ବିଭିନ୍ନ ବ୍ୟାଙ୍କର ଏଟିଏମ ଓ ମୋବାଇଲ ସହ ଟଙ୍କା ଜବତ କରାଯାଇଛି ।