ବୌଦ୍ଧ: ଦୁର୍ଦ୍ଦିନରେ ଜମିହୀନଙ୍କ ଜୀବନ । ଲଗାଣ ବର୍ଷା ଯୋଗୁଁ ନିକଟରେ ଥିବା ଏକ ବନ୍ଧରେ ଘାଇ ହୋଇ ଚାଳଘର ଭାଙ୍ଗି ଯିବାକୁ ବସିଲାଣି । କାନ୍ଥ ଫାଟି ଆଁ କରିଛି । ଅତ୍ୟନ୍ତ ଦୟନୀୟ ଅବସ୍ଥାରେ ଦିନ କାଟୁଛନ୍ତି ଜମିହୀନ ପ୍ରଜା । ହେଲେ ପ୍ରଶାସନର ଦୃଷ୍ଟି ନାହିଁ । ଏପରି ଦୃଶ୍ୟ ଦେଖିବାକୁ ମିଳିଛି ବୌଦ୍ଧ ଜିଲ୍ଲା ଗୁନ୍ଦୁଳିଆ ପଞ୍ଚାୟତ ବନ୍ଧପଡା ଗ୍ରାମରେ ।
ଦୁର୍ଦ୍ଦିନରେ କଟୁଛି ଭୂମିହୀନଙ୍କ ଜୀବନ , ଛୁପିଡି ଘର ଭରସା
ସରକାର ଗରିବ, ଅସହାୟ ତଥା ଭୂମିହୀନ ପ୍ରଜାଙ୍କ ପାଇଁ ଅନେକ ଯୋଜନା କରିଥିଲେ ମଧ୍ୟ ଜଙ୍ଗଲ ଅଞ୍ଚଳରେ ବସବାସ କରୁଥିବା ହିତାଧିକାରୀଙ୍କ ନିକଟରେ ତାହା ପହଞ୍ଚି ପାରୁନି । ଗ୍ରାମର ଗରିବ ତଥା ଜମିହୀନ ପ୍ରଜା ଧୁବଲେଙ୍କ ଆଦୌ ଜମିବାଡ଼ି ନାହିଁ । ଏଣୁ ସେ ଗାଁ ମୁଣ୍ଡରେ ଏକ ସରକାରୀ ସ୍ଥାନରେ ଦୀର୍ଘ ବର୍ଷ ହେଲା ଅସ୍ଥାୟୀ ଚାଳଘରେ ରହି ଆସୁଛନ୍ତି ।