ମୃତଦେହ ସତ୍କାର ପାଇଁ କାଠର ଘୋର ଅଭାବ

କୋରୋନା ମହାମାରୀର ସଙ୍କଟ କାଳରେ ମୃତଦେହ ସତ୍କାର ପାଇଁ ବୌଦ୍ଧ ଜିଲ୍ଲାରେ କାଠର ଘୋର ଅଭାବ ଦେଖାଦେଇଛି । ଅଧିକ ପଢନ୍ତୁ...

ବୌଦ୍ଧ : ଜିଲ୍ଲାରେ ମୃତଦେହ ସତ୍କାର ପାଇଁ କାଠର ଘୋର ଅଭାବ ଦେଖାଦେଇଛି । କାଠ ଡିପୋରେ ଦୁଇ ଚାରୋଟି ବଡ କାଠ ଗଣ୍ଡିକୁ ଛାଡି ଦେଲେ କାଠ ନାହିଁ । କୋରୋନା ମହାମାରୀ ସମୟରେ କାଠ ଅଭାବରୁ ମୃତ ଦେହ ସତ୍କାର କରିବା ଏକ ବଡ ସମସ୍ୟା ପାଲଟିଛି । ବୌଦ୍ଧ ଜିଲ୍ଲା ସଦର ମହକୁମାରେ ଥିବା ଏକମାତ୍ର କାଠ ଡିପୋରେ କାଠ ମିଳୁନଥିବା ଅଭିଯୋଗ ହୋଇଛି ।

ବୌଦ୍ଧସ୍ଥିତ ରାଜଘାଟ ବା ଶ୍ମଶାନ ଘାଟରେ କେବଳ କୋରୋନାର୍ ଆକ୍ରାନ୍ତ ହୋଇ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ମୃତ ଦେହକୁ ଦାହ କରାଯାଉଥିବାବେଳେ ଅନ୍ୟ ମୃତକଙ୍କ ସତ୍କାର ମହାନଦୀର ଶୁଷ୍କ ବାଲୁକା ଶଯ୍ୟାରେ କରାଯାଉଥିବା ସୂଚନା ମିଳିଛି ।

ସେପଟେ ଉଭୟ କରୋନା ଜନିତ ଓ ସାଧାରଣ ମୃତ୍ୟୁରେ ସତ୍କାର ପାଇଁ କାଠର ଅଭାବ ବୌଦ୍ଧ ଭଳି ଜଙ୍ଗଲ ଅଞ୍ଚଳରେ ହେଵା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ଚର୍ଚ୍ଚା ହେଉଛି । ଘଟଣାକୁ କାଠଡିପୋ କର୍ମଚାରୀ ସ୍ବୀକାର କରିବା ସହ ଆଜି କିମ୍ବା କାଲି ସୁଦ୍ଧା କାଠ ପହଞ୍ଚିବା ସମ୍ଭାବନା ରହିଥିବା କହିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ