ବୌଦ୍ଧ: ଜଙ୍ଗଲି ବୁଦୁବୁଦିଆ ସ୍ଥାନ ପାଲଟିଛି ସରକାରୀ ନିର୍ମାଣଧୀନ କଲ୍ୟାଣ ମଣ୍ଡପ । ଲୋକଙ୍କ ସୁବିଧା ପାଇଁ ବୌଦ୍ଧ ଜିଲ୍ଲା ମୁର୍ଷୁଣ୍ଢିଠାରେ ଏକ କଲ୍ୟାଣ ମଣ୍ଡପ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । କିନ୍ତୁ ଦୁଇ ବର୍ଷରୁ ଅଧିକ ସମୟ ବିତିଯାଇଥିଲେ ସୁଦ୍ଧା ସେଠାରେ କାର୍ଯ୍ୟ ଆଗକୁ ବଢୁନାହିଁ । କେବଳ ଫାଉଣ୍ଡେସନ କାମ ଅଧାପନ୍ତରିଆ ହୋଇ ପଡିରହିଛି କଲ୍ୟାଣ ମଣ୍ଡପ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ସୂଚନା ମୁତାବକ, ୨୦୧୬-୧୭ ମସିହାରେ ଚତୁର୍ଦ୍ଦଶ ଅର୍ଥ କମିଶନରୁ ପ୍ରାପ୍ତ ୩୫ ଲକ୍ଷ ଟଙ୍କା ବ୍ୟୟ ଅଟକଳରେ ଲୋକଙ୍କ ସୁବିଧା ପାଇଁ ଏହି କଲ୍ୟାଣ ମଣ୍ଡପର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । କିନ୍ତୁ ଏବେ ତାହା ଅଧାପନ୍ତରିଆ ହୋଇ ପଡିରହିଛି । ଫଳରେ ଅଞ୍ଚଳବାସୀ ବିବାହ ଆଦି ବିଭିନ୍ନ ସାମାଜିକ କାର୍ଯ୍ୟ କରିବାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି ।