ଜାଗା ମିଶନରେ ଅନିୟମିତତା, ଦ୍ବନ୍ଦରେ ପ୍ରକୃତ ହିତାଧିକାରୀ

ଜାଗା ମିଶନରେ ହିତାଧିକାରୀଙ୍କୁ ଚିହ୍ନଟ ନେଇ ଅସନ୍ତୋଷ ପ୍ରକାଶ କରିଛନ୍ତି ବସ୍ତିବାସୀ । ଅଧିକାରୀ କହିଛନ୍ତି ପର୍ଯ୍ୟାୟକ୍ରମେ ହିତାଧିକାରୀଙ୍କୁ ଚିହ୍ନଟ କରାଯାଇ ନିୟମ ମୁତାବକ ପଦକ୍ଷେପ ନିଆଯିବ । ଅଧିକ ପଢନ୍ତୁ...

ବୌଦ୍ଧ: ଜାଗା ମିଶନରେ ହିତାଧିକାରୀଙ୍କୁ ଚିହ୍ନଟ ନେଇ ଅସନ୍ତୋଷ ପ୍ରକାଶ କରିଛନ୍ତି ବସ୍ତିବାସୀ । ଅଧିକାରୀ କହିଛନ୍ତି ପର୍ଯ୍ୟାୟକ୍ରମେ ହିତାଧିକାରୀଙ୍କୁ ଚିହ୍ନଟ କରାଯାଇ ନିୟମ ମୁତାବକ ପଦକ୍ଷେପ ନିଆଯିବ । ହେଲେ ପ୍ରାଥମିକ ପର୍ଯ୍ୟାୟରେ ଚିହ୍ନଟ ତାଲିକାର ବହିର୍ଭୁକ୍ତ ହୋଇଛନ୍ତି ଅନେକ ପ୍ରକୃତ ହିତାଧିକାରୀ । ଯାହାକୁ ନେଇ ତେଜିବାରେ ଲାଗିଛି ଅସନ୍ତୋଷ ।

ସୂଚନା ଅନୁଯାୟୀ ବୌଦ୍ଧ ଜିଲ୍ଲାର ଏକମାତ୍ର ପୌରାଞ୍ଚଳରେ ରାଜ୍ୟ ସରକାରଙ୍କ ଜାଗା ମିଶନ ମାଧ୍ୟମରେ ହିତାଧିକାରୀଙ୍କୁ ଚିହ୍ନଟ ସହ ପ୍ରାୟ ଦେଢ ଡେସିମିଲ ଡିହ ଯୋଗାଇ ଦିଆଯାଉଛି । ପ୍ରାଥମିକ ସର୍ଭେ ପରେ ହିତାଧିକାରୀଙ୍କ ତାଲିକା ପ୍ରସ୍ତୁତ କରାଯାଇ ପୌର ପରିଷଦ ପକ୍ଷରୁ ସ୍ଲମ ବସ୍ତିରେ ଘର ଡିହ ସହ ଆବାସ ଯୋଜନାରେ ଗରିବ ଲୋକଙ୍କୁ ସହାୟତା ଯୋଗାଇ ଦିଆଯାଉଛି ।

କିନ୍ତୁ ଅନେକ ପ୍ରକୃତ ହିତାଧିକାରୀଙ୍କୁ ଏହି ତାଲିକାରେ ସ୍ଥାନ ମିଳି ନଥିବାରୁ ଅସନ୍ତୋଷ ପ୍ରକାଶ ପାଇଛି । ବିଶେଷ ଭାବେ ଭୂମି ହୀନ, ଭିକ୍ଷା ବୃତ୍ତି, ଅତ୍ୟନ୍ତ ଅସହାୟ ଭଳି ହିତାଧିକାରୀଙ୍କୁ ଏହି ଯୋଜନାରେ ସାମିଲ କରାଯିବାର ଯୋଜନା ରହିଥିଲେ ମଧ୍ୟ ସେମାନଙ୍କୁ ଜାଗା ମିଳିପାରି ନଥିବା ଅଭିଯୋଗ କରିଛନ୍ତି । ବଡ ବଡ ପ୍ରତିପତ୍ତିଶାଳୀ ଲୋକ, ନେତା, ବ୍ୟବସାୟୀ ଯେଉଁମାନଙ୍କ ଅନ୍ୟ ଜିଲ୍ଲା କିମ୍ବା ଅନ୍ୟ ସ୍ଥାନରେ ପ୍ଲଟ ରହିଛି ସେମାନେ ଏହି ଆଇନର ଗଳା ବାଟ ଖୋଜିବା ଆରମ୍ଭ କରିଥିବାରୁ ଏନେଇ କଡା ପଦକ୍ଷେପ ଗ୍ରହଣ କରାଯିବାକୁ ବୁଦ୍ଧିଜୀବୀ ଦାବି କରିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ