ବୌଦ୍ଧରେ ବଢୁଛି ଲୁଟ, ସୁରକ୍ଷା ଦାବିରେ ଥାନା ଘେରିଲେ ଶତାଧିକ ମହିଳା

ବୌଦ୍ଧ ଜିଲ୍ଲାର ବିଭିନ୍ନ ଅଞ୍ଚଳରେ ବୃଦ୍ଧି ପାଇବାରେ ଲାଗିଛି ଚୋରି ଡକାୟତି ଭଳି ଅପରାଧିକ ମାମଲା । ଏନେଇ ମନମୁଣ୍ଡା ଥାନା ଦେଉଳୀ ଗ୍ରାମର ଶତାଧିକ ମହିଳା ଥାନା ଘେରାଉ ସହ ଦୀର୍ଘ ସମୟ ଧରି ବିକ୍ଷୋଭ ପ୍ରଦର୍ଶନ କରିଥିଲେ । ଅଧିକ ପଢନ୍ତୁ...

ବୌଦ୍ଧ: ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ବୃଦ୍ଧି ପାଇବାରେ ଲାଗିଛି ଚୋରି ଡକାୟତି ଭଳି ଅପରାଧିକ ମାମଲା । ବୌଦ୍ଧ ଜିଲ୍ଲାର କଣ୍ଟାମାଳ, ମନମୁଣ୍ଡା ଓ ବାଉଁଶୁଣୀ ଥାନା ଅଞ୍ଚଳରେ ବିଗତ ମାସକ ମଧ୍ୟରେ ଅନେକ ସ୍ଥାନରେ ଚୋରି, ଲୁଣ୍ଠନ,ଡକାୟତି ଭଳି ଘଟଣା ପୋଲିସ ପାଇଁ ସୃଷ୍ଟି କରିଛି ଖୋଲା ଚ୍ୟାଲେଞ୍ଜ । ତେବେ ଜିଲ୍ଲା ପୋଲିସ ମଧ୍ୟ ଏନେଇ କିଛି ଚୋର ଓ ଦୁର୍ବୃତ୍ତଙ୍କୁ ଧରିବାରେ ସକ୍ଷମ ହୋଇଥିଲା ।

କିନ୍ତୁ ବଢୁଥିବା ଅପରାଧିକ ଘଟଣା ଯୋଗୁଁ ଅଞ୍ଚଳରେ ସାଧାରଣ ଲୋକ ଭୟଭୀତ ଥିବା ବେଳେ ଶନିବାର ଅପରାହ୍ନରେ ମନମୁଣ୍ଡା ଥାନା ଦେଉଳୀ ଗ୍ରାମର ଶତାଧିକ ମହିଳା ଥାନା ଘେରାଉ ସହ ଦୀର୍ଘ ସମୟ ଧରି ବିକ୍ଷୋଭ ପ୍ରଦର୍ଶନ କରିଥିଲେ । ଏହାସହ ମହିଳାମାନେ ଅଞ୍ଚଳରେ ପୋଲିସ ପେଟ୍ରୋଲିଂ ବ୍ୟବସ୍ଥା କଡାକଡି ସହ ଚୋର ଡକାୟତ ଦଳକୁ ଗିରଫ ପାଇଁ ଥାନା ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରିଥିଲେ ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ