ପ୍ରାଚୀନ ପରମ୍ପରାରେ ପାଳିତ ଗିରିଗୋବର୍ଦ୍ଧନ ଉତ୍ସବ, କାଲେଶ୍ବର ପାଲଟିଲା ଗୋପପୁର

ଜିଲ୍ଲାରେ ପାଳିତ ହୋଇଯାଇଛି ଗିରିଗୋବର୍ଦ୍ଧନ ଉତ୍ସବ । ପ୍ରାଚୀନ ପରମ୍ପରାକୁ ପୁନର୍ଜିବୀତ କରିବା ପାଇଁ ପାଳନ ହୋଇଆସୁଛି ଏହି ଉତ୍ସବ । ଏପଟେ ହରଭଙ୍ଗା ବ୍ଲକର କାଲେଶ୍ବର ଗ୍ରାମ ସୃଷ୍ଟିକଲା ଗୋପପୁରର ଭ୍ରମ ।

ବୌଦ୍ଧ: ପ୍ରାଚୀନ ପରମ୍ପରାକୁ ଆଜିବି ବଜାୟ ରଖିଛନ୍ତି ଗଡତିଆ ବା ଜମିଦାର । ଗଉଡମେଦର ଦେଖିବାକୁ ମିଳିଛି ନିଆରା ପରମ୍ପରା ଗିରିଗୋବର୍ଦ୍ଧନ ଉତ୍ସବ । ଜିଲ୍ଲାର ବିଭିନ୍ନ ସ୍ଥାନରେ ସୋମବାର ପାଳିତ ହୋଇଛି ଗିରିଗୋବର୍ଦ୍ଧନ ପୂଜାର୍ଚ୍ଚନା । କିନ୍ତୁ ହରଭଙ୍ଗା ବ୍ଲକର କାଲେଶ୍ବର ଗାଁରେ ପ୍ରଚଳିତ ଗିରିଗୋବର୍ଦ୍ଧନ ଉତ୍ସବ ପ୍ରାଚୀନ ସଂସ୍କୃତି ଓ ପରମ୍ପରାକୁ ପୁନର୍ଜିବୀତ କରିଥାଏ ।

ଏଠାରେ ଅନୁଷ୍ଠିତ ଏହି ଉତ୍ସବକୁ ପାରମ୍ପରିକ ଭାବରେ ଗାଁର ଗଡତିଆ ବା ଜମିଦାରଙ୍କ ପୌରହିତ୍ୟରେ ପାଳନ କରାଯାଏ । ଗଉଡ ମେଦ ବା ସ୍ବତନ୍ତ୍ର ଭାବେ ଅନ୍ନ ସହିତ ଛପନ ଭୋଗକୁ ଏଥିରେ ସମିଶ୍ରଣ କରି ଗିରିଗୋବର୍ଦ୍ଧନର ପ୍ରସ୍ତୁତି କରାଯାଇଥାଏ । ସୋମବାର କାଲେଶ୍ବର ଗାଁ ପାଲଟିଥିଲା ଗୋପପୁର ।

ବିଶେଷ ଭାବେ କୌଣସି ମଣିଷ ଯେପରି ଅନ୍ନର ଅଭାବରେ ଦୁଖଃ ନପାଉ ଏହି ଲକ୍ଷ୍ୟରେ ପ୍ରାଚୀନ କାଳରୁ ଏହି ପରମ୍ପରା ପ୍ରଚଳିତ ହୋଇଆସୁଛି । ସୋମବାର କାର୍ଯ୍ୟକ୍ରମରେ ଅତିଥି ଭାବରେ ବିଧାୟକ ପ୍ରଦୀପ କୁମାର ଅମାତ ଯୋଗ ଦେଇଥିବା ବେଳେ ଆକର୍ଷଣର କେନ୍ଦ୍ର ବିନ୍ଦୁ ଥିଲେ ଦୃଷ୍ଟି ବାଧିତ ଦିବ୍ୟାଙ୍ଗ ଆଧ୍ୟାତ୍ମିକ ଗାୟୀକା ମନିଷା ଭୋଇ ।

ବୌଦ୍ଧ ରୁ ସତ୍ୟ ନାରାୟଣ ପାଣି, ଇଟିଭି ଭାରତ