ଜ୍ବାଇଁର ଗୋଡ ଦୁଇଖଣ୍ଡ କଲା ଶ୍ବଶୁର

ଏଭଳି କିଛି ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ରୁଣ୍ଡିମହୁଲ ପଞ୍ଚାୟତର ଡୁଙ୍ଗୁରିଗୁଡା ଗ୍ରାମରେ ।

ବୌଦ୍ଧ: ଦୁଇ ଖଣ୍ଡ କରି ଜ୍ବାଇଁର ଗୋଡକୁ ହାଣି ପକାଇଛି ଶ୍ବଶୁର । ଏଭଳି କିଛି ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ରୁଣ୍ଡିମହୁଲ ପଞ୍ଚାୟତର ଡୁଙ୍ଗୁରିଗୁଡା ଗ୍ରାମରେ ।

ଗତ ଦୁଇ ମାସ ତଳେ ପ୍ରେମ ବିବାହ କରିଥିଲେ ୨୫ ବର୍ଷୀୟ ସୌରଭ ଦଣ୍ଡିଆ । ତେବେ ଶ୍ବଶୁର ଘରକୁ ବୁଲି ଆସିଥିବା ବେଳେ ଉଭୟ ଶ୍ବଶୁର-ଜ୍ବାଇଁ ସୌରଭଙ୍କ ମଧ୍ୟରେ ଝଗଡା ହୋଇଥିଲା । ଶ୍ବଶୁର ଉତ୍ୟକ୍ତ ହୋଇ ସୌରଭର ବାମ ଗୋଡକୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା ।

ଫଳରେ ସୌରଭଙ୍କ ବାମଗୋଡ ଦୁଇ ଖଣ୍ଡ ହୋଇ ଯାଇଛି । ତେବେ ପରେ ଘଟଣା ସ୍ଥଳରୁ ଶ୍ବଶୁର ଫେରାର ଥିବା ବେଳେ ପରିବାରର ଏତଲା ଆଧାରରେ କଣ୍ଟାମାଳ ଥାନା ଅଧିକାରୀ ଘଟଣାର ଯାଞ୍ଚ ଆରମ୍ଭ କରିଛନ୍ତି । ଏପଟେ ସୌରଭଙ୍କୁ ପ୍ରଥମେ କଣ୍ଟାମାଳ ଡାକ୍ତରଖାନାରେ ଚିକିତ୍ସା ପରେ ଅବସ୍ଥା ସଙ୍କଟାପନ୍ନ ହେବାରୁ ବୁର୍ଲା ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ