ବୌଦ୍ଧ: ପୁରୁଣାକଟକ ଥାନା ଅନ୍ତର୍ଗତ ବୁରୁବୁଡା ଗ୍ରାମର ଦୁଇ ଆଦିବାସୀ ଗୋଷ୍ଠୀ ବିବାଦ ଚରମ ଶିଖରରେ ପହଞ୍ଚିଛି । ପୂର୍ବ ଶତ୍ରୁତା ଶନିବାର ସନ୍ଧ୍ୟାରେ ନେଇଛି ଉଗ୍ରରୂପ । ପ୍ରାୟ ପନ୍ଦରରୁ ଉର୍ଦ୍ଧ୍ବ ଏକ ନିର୍ଦ୍ଦିଷ୍ଟ ସମ୍ପ୍ରଦାୟର ବ୍ୟକ୍ତି ମିଳିତ ହୋଇ ବାପ ଓ ପୁଅଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି ।
ସନ୍ଧ୍ୟା ପ୍ରାୟ 6ଟା ବେଳେ ଏଭଳି ନୃଶଂସ କାଣ୍ଡ ଘଟିଥିଲା । ବିଭିନ୍ନ ମାରଣାସ୍ତ୍ରରେ ବାପ-ପୁଅକୁ ଆକ୍ରମଣ ଅଭିଯୋଗ ହୋଇଛି । ତେବେ ଉଭୟ ବାପପୁଅଙ୍କୁ ଉଦ୍ଧାର କରିବାକୁ କୌଣସି ଲୋକ ଆଗକୁ ଆସିନଥିଲେ । ଗାଁରେ କେବଳ ଦୁଇଟି ଆଦିବାସୀ ପରିବାର ରହୁଥିବା ଯୋଗୁଁ ଏଭଳି ସଂଘବଦ୍ଧ ଆକ୍ରମଣରୁ କେହି ରକ୍ଷା କରିପାରିନଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ