ବୌଦ୍ଧ: ସମସ୍ୟା ଘେରରେ ଅନ୍ନଦାତା । ଜିଲ୍ଲାରେ 80ଭାଗ ଲୋକ ଚାଷ ଉପରେ ନିର୍ଭରଶୀଳ । ମଣ୍ଡିରେ ଦଲାଲଙ୍କ ମନମାନିରେ ହନ୍ତସନ୍ତ ଦେଉଛନ୍ତି ଚାଷୀ । ମଣ୍ଡିକୁ ଦଲାଲ ଏକ ପ୍ରକାର କବଜାରେ କରି ନେଇଛନ୍ତି । ଫଳରେ ଧାନ ବିକ୍ରି କରି ନପାରି ସମସ୍ୟାର ସମ୍ମୁଖୀନ ହେଉଛି ଚାଷୀ । ସମସ୍ୟାର ସମାଧାନ ପାଇଁ ଆଗାମୀ ଦିନରେ ଚାଷୀ ଏକ ବିରାଟ ଆନ୍ଦୋଳନ କିରିବା ନେଇ ସୂଚନା ମିଳିଛି ।
ସମସ୍ୟା ଘେରରେ ଚାଷୀ
ବର୍ଷକର ପରିଶ୍ରମ ପରେ ଅମଳ କରିଥିବା ଫସଲକୁ ବିକ୍ରି କରି ଦୁଇ ପଇସା ରୋଜଗାର କରିବାକୁ ସ୍ୱପ୍ନ ଦେଖିଥାଏ ଚାଷୀ । ଦେଲେ ଧାନ ମଣ୍ଡିରେ ବେପାରୀ ଓ ଦଲାଲଙ୍କ ଦାଦାଗିରି ଚାଷୀଙ୍କ ସ୍ୱପ୍ନକୁ ଚୁରମାର କରିଛି । ଚାଷୀଙ୍କୁ ବିଭିନ୍ନ ଦିଗରୁ ସବୁବେଳେ ଶୋଷଣର ଶିକାର ହେବାକୁ ପଡୁଛି । ମଣ୍ଡିରେ ଅବ୍ୟବସ୍ଥାକୁ ନେଇ ବୁଧବାର ବିଜୟ ଦିବସ ଅବସର କିଷାନ ସଂଘ ପକ୍ଷରୁ ଏକ ବିରାଟ ଚାଷୀ ସମାବେଶ ଆୟୋଜିତ ହୋଇଛି ।