ବୌଦ୍ଧ: ରବି ଧାନ ସଂଗ୍ରହ ନିମନ୍ତେ ଧାର୍ଯ୍ୟ 15 ଦିନ ପରେ ବି ମଣ୍ଡିରୁ ଉଠିନି ଧାନ । ଶେଷରେ ଉତ୍ୟକ୍ତ ଚାଷୀ ନେଲେ ଚରମ ନିଷ୍ପତ୍ତି । ସମବାୟ ସମିତିର ସମ୍ପାଦକଙ୍କୁ କୌଣସି ନିଷ୍ପତ୍ତି ନହେବା ଯାଏ ପକାଇଲେ ତାଲା । ଏଭଳି ଅପ୍ରିତିକର ପରିସ୍ଥିତି ସୃଷ୍ଟି ହୋଇଛି ବୌଦ୍ଧ କଣ୍ଟାମାଳ ବ୍ଲକର ସିମିଳିପଦର ମଣ୍ଡିରେ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଧାନ ସଂଗ୍ରହ ନିମନ୍ତେ ଦିନ ଧାର୍ଯ୍ୟ ହୋଇ ମିଲରଙ୍କ ଜରିଆରେ ମଣ୍ଡିରୁ ଧାନକ୍ରୟ ଜାରି ରହିଥିବା ବେଳେ କେତେକ ମଣ୍ଡିରୁ ଧାନ ଉଠା ଯାଉନଥିବା ଚାଷୀମାନେ ଅଭିଯୋଗ କରିଛନ୍ତି । ଚାଷୀଙ୍କ ଧାନକ୍ରୟ ମଙ୍ଗଳବାର ସୁଦ୍ଧା ନ ହେବାରୁ ସେମାନେ ଉତ୍ୟକ୍ତ ହୋଇ ସଂପାଦକଙ୍କୁ କାର୍ଯ୍ୟାଳୟ ମଧ୍ୟରେ ତାଲା ପକାଇ ଦେଇଛନ୍ତି ।