ବୌଦ୍ଧ: ଜିଲ୍ଲା ହରଭଙ୍ଗା ବ୍ଲକର ସାମ୍ପୋଚ ପଞ୍ଚାୟତ ସଦର ମହକୁମାରେ ନାହିଁ ପାନୀୟଜଳ ସୁବିଧା । ଫଳରେ କିଏ ଦୂର ଦୂରାନ୍ତରୁ ପାଣି ଆଣୁଛି ତ ଆଉକିଏ ଚୁଆ କିମ୍ବା ନାଳରୁ ପାଣିଆଣୁଛି । ଫଳରେ କିଡନୀ ଏବଂ ଅନ୍ୟାନ୍ୟ ରୋଗରେ ପୀଡିତ ହେଉଥିବା ଅଭିଯୋଗ କରିଛନ୍ତି ।
ସାମ୍ପୋଚ ଗ୍ରାମ ବାଲ୍ୟବିବାହ ମୁକ୍ତ ଗ୍ରାମ ଭାବରେ ପ୍ରସିଦ୍ଧ ଲାଭ କରି ଥିବାବେଳେ ପାନୀୟଜଳ ସମସ୍ୟା ସମସ୍ତଙ୍କୁ ଦୁଃଖିତ କରିଛି । ଏହି ଗ୍ରାମ ନିକଟରେ ଥିବା ବରଝୁଲି ଗ୍ରାମରେ ମଧ୍ୟ ସମାନ ଅବସ୍ଥା । ଗ୍ରାମର ନଳକୂପ ଗୁଡିକରୁ ଫ୍ଲୋରାଇଡଯୁକ୍ତ ପାଣି ବ୍ୟବହାର କରି ଅନେକ ଲୋକଙ୍କ ହାଡ ବଙ୍କା ସହ କିଡନୀ ଓ ଅନ୍ୟ ରୋଗ ହେଉଥିବା ଅଭିଯୋଗ କରିଛନ୍ତି । ଗ୍ରାମ୍ୟ ଜଳଯୋଗାଣ ବିଭାଗର ନିଷ୍କ୍ରିୟତା ଯୋଗୁଁ ଦିନକୁ ଦିନ ପରିସ୍ଥିତି ଗମ୍ଭୀର ହେବାକୁ ଲାଗି ଥିବାବେଳେ ତୁରନ୍ତ ଏହାର ପ୍ରତିକାର ପାଇଁ ପଞ୍ଚାୟତବାସୀ ଏବଂ ଯୁବ ସ୍ବେଚ୍ଛାସେବୀ ଅରୂପା ଦୀପ ଦାବି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
