କଟକଣା ସତ୍ତ୍ବେ ସୁରୁଖୁରୁରେ ସମ୍ପନ୍ନ ହେଲା ଦେବସ୍ନାନ ନୀତି

କୋରୋନା କଟକଣା ଭିତରେ ଅନୁଷ୍ଠିତ ହେଲା ଶ୍ରୀ ଜଗନ୍ନାଥଙ୍କ ଦେବସ୍ନାନ ନୀତି । ସ୍ନାନ ମଣ୍ଡପ ଉପରେ ହିଁ ଚତୁର୍ଦ୍ଧା ମୂର୍ତ୍ତୀ ଗଜାନନ ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ । ସାଧାରଣ ଭକ୍ତଙ୍କ ପ୍ରବେଶ ଓ ଦର୍ଶନ ଉପରେ କଟକଣା ଥିବାରୁ ଶ୍ରଦ୍ଧାଳୁ ମନ୍ଦିର ବାହାରୁ ଦର୍ଶନ କରି ଫେରି ଯାଇଥିଲେ ।

ବୌଦ୍ଧ: କୋରୋନା କଟକଣା ଭିତରେ ଅନୁଷ୍ଠିତ ହେଲା ଶ୍ରୀ ଜଗନ୍ନାଥଙ୍କ ଦେବସ୍ନାନ ନୀତି । ଶୁକ୍ରବାର ମହାନଦୀର ପବିତ୍ର ଜଳରେ ଚତୁର୍ଦ୍ଧା ବିଗ୍ରହଙ୍କ ସ୍ନାନ ପରେ ସ୍ନାନ ମଣ୍ଡପରେ ଗଜାନନ ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ । ସମ୍ପୂର୍ଣ୍ଣ କଟକଣା ଓ ସୁରକ୍ଷା ପଦକ୍ଷେପ ମଧ୍ୟରେ ଜିଲ୍ଲାରେ ଅନୁଷ୍ଠିତ ହୋଇଛି ଦେବସ୍ନାନ ପୂର୍ଣ୍ଣିମା । ସରକାରଙ୍କ ଧାର୍ଯ୍ୟ ନିୟମକୁ ପାଳନ ପୂର୍ବକ କେବଳ ସେବାୟତମାନେ ମହାନଦୀରୁ ପବିତ୍ର ଜଳ ଆଣି ଚତୁର୍ଦ୍ଧା ବିଗ୍ରହଙ୍କୁ ସ୍ନାନ କରାଇଥିଲେ ।

ସ୍ନାନ ମଣ୍ଡପ ଉପରେ ହିଁ ଚତୁର୍ଦ୍ଧା ମୂର୍ତ୍ତୀ ଗଜାନନ ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ । ସାଧାରଣ ଭକ୍ତଙ୍କ ପ୍ରବେଶ ଓ ଦର୍ଶନ ଉପରେ କଟକଣା ଥିବାରୁ ଶ୍ରଦ୍ଧାଳୁ ମନ୍ଦିର ବାହାରୁ ଦର୍ଶନ କରି ଫେରି ଯାଇଥିଲେ । ତେବେ ଠାକୁରଙ୍କ ନୀତିକାନ୍ତି ଚାଲିଥିବା ସମୟରେ ହଠାତ ମହୁମାଛି ଆକ୍ରମଣରେ ମନ୍ଦିର ପରିସରରେ ଭୟର ବାତାବରଣ ସୃଷ୍ଟି ହୋଇଥିଲା । ଏଥିରେ ଦୁଇ ଜଣ ଗୁରୁତର ଆହତ ହୋଇଥିବା ସୂଚନା ମିଳିଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ