ବୌଦ୍ଧ: ଜିଲ୍ଲାରେ ବିବାହ ଭୋଜି ଉତ୍ସବ କରୋନା ସଂକ୍ରମଣର ନୂଆ ଠିକଣା ପାଲଟିଥିବାରୁ ଏସବୁ ସାମାଜିକ ଉତ୍ସବ ଉପରେ କଟକଣା ଜାରି କରିବାକୁ ଦାବି ହୋଇଛି । ସେପଟେ ବିଭିନ୍ନ ଉପାନ୍ତ ଅଞ୍ଚଳର ଲୋକେ ସଚେତନତା ଅଭାବରୁ ଠକ ଡାକ୍ତରଙ୍କ ହାବୁଡରେ ପଡି ମୃତ୍ୟୁ ମୁଖରେ ପଡୁଛନ୍ତି ।
ସଂକ୍ରମଣ ବୃଦ୍ଧି ପାଉଥିବାରୁ ଉତ୍ସବ ଉପରେ ପ୍ରତିବନ୍ଧକ ଲଗାଇବାକୁ ଦାବି
ଜିଲ୍ଲାରେ ସାଙ୍ଘାତିକ ସ୍ଥିତିରେ କରୋନା ସଂକ୍ରମଣ । ଆଜି ପୁଣି ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରୁ 228 ଜଣ ନୂତନ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ଆସନ୍ତା ଦୁଇଦିନ ସଟ୍ଡାଉନ ଥିବାରୁ ବୌଦ୍ଧ ଜିଲ୍ଲାର ବିଭିନ୍ନ ବଜାରରେ ଅସମ୍ଭାଳ ଭିଡ ପରିଲକ୍ଷିତ ହୋଇଥିଲା ।