ବୌଦ୍ଧ: ଲକଡାଉନ ସମୟରେ ଅଭାବନୀୟ ଘଟଣା । ବିଷାକ୍ତ ମଦ୍ୟପାନ କରି କୋରୋନା ପଜିଟିଭ ହୋଇଥିବା ଦାଦନ ଶ୍ରମିକଙ୍କ ମୃତ୍ୟୁ ଅଭିଯୋଗ । ଏଭଳି ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲାର ଭାପୁର ଗ୍ରାମରେ ।
ବିଷାକ୍ତ ମଦ୍ୟପାନ କରି କୋରୋନା ଆକ୍ରାନ୍ତ ଦାଦନ ଶ୍ରମିକଙ୍କ ମୃତ୍ୟୁ
ସୂଚନା ଅନୁଯାୟୀ ବୌଦ୍ଧ ଜିଲ୍ଲା କୁଶଙ୍ଗ ପଞ୍ଚାୟତ ଭାପୁର ଗ୍ରାମର ଜୈନକ ଦାଦନ ଶ୍ରମିକ ଲକଡାଉନ ଯୋଗୁଁ ତାମିଲନାଡୁରୁ ଗତ ଦଶ ଦିନ ତଳେ ଘରକୁ ଫେରିଥିଲେ । ସେ ଫେରିବା ପରେ କୋରୋନା ପଜିଟିଭ ହୋଇଥିଲେ ବି ଘରେ ରହି ଚିକିତ୍ସିତ ହେଉଥିଲେ । ତେବେ ସ୍ଥାନୀୟ ଅଞ୍ଚଳରେ ବିକ୍ରି ହେଉଥିବା ଚୋରା ମଦ୍ୟପାନ କରି ସେ ଗୁରୁତର ହୋଇପଡିଥିଲେ । ହରଭଙ୍ଗା ଅବକାରୀ ବିଭାଗର ଉଦାସୀନତା ଯୋଗୁଁ ଏସବୁ ଉପାନ୍ତ ଅଞ୍ଚଳରେ ବ୍ୟାପକ ଚୋରା ମଦ କାରବାର ବେଧଡକ ଚାଲିଛି । ସେପଟେ ଉକ୍ତ ଶ୍ରମିକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ହରଭଙ୍ଗା ଓ ପରେ ବୌଦ୍ଧ ଡାକ୍ତରଖାନା ନେବା ବାଟରେ ମୃତ୍ୟୁ ହୋଇଯାଇଥିଲା ।