ବୌଦ୍ଧ:ପ୍ରବଳ ବର୍ଷାରେ କେନାଲରେ ଘାଇ । ଜଳସେଚନ କେନାଳରେ ଘାଇ ସୃଷ୍ଟି ହେବା ଫଳରେ ଏକର ଏକର ଜମିରେ ପାଣି ମାଡି ଯାଇଛି । ଘଟଣାସ୍ଥଳରେ ଜଳସେଚନ ବିଭାଗ ଅଧିକାରୀ ମାରାମତି କାର୍ଯ୍ୟ ଆରମ୍ଭ କରିଛନ୍ତି ।
ଏକର ଏକର ଜମିକୁ ମାଡିଗଲା ପାଣି
ବୌଦ୍ଧ ଜିଲ୍ଲା ଜଳସେଚନ ବିଭାଗ ଅଧୀନରେ ବାଘ ଓ ସାଲୁଙ୍କୀ ଜଳସେଚନ ଭଳି ଦୁଇଟି ମାତ୍ର ଜଳସେଚନରୁ ଚାଷୀଙ୍କ ଜମିକୁ କେନାଲ ଯୋଗେ ପାଣି ମିଳିଥାଏ । କେନାଲ ଗୁଡିକର ରକ୍ଷଣାବେକ୍ଷଣ ତଥା ଠିକ ସମୟରେ ମରାମତି ହେଉନଥିବାରୁ ଅନେକ ସ୍ଥାନରେ କେନାଲ ଗୁଡିକ ଦୁର୍ବଳ ହୋଇପଡିଛି । ଜିଲ୍ଲାରେ ପ୍ରବଳ ବର୍ଷା ଯୋଗୁଁ ବୌଦ୍ଧ ସହର ସମେତ ବିଭିନ୍ନ ସ୍ଥାନରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ତେବେ ଜିଲ୍ଲାରେ ବର୍ଷା ଅଭାବରୁ ଚାଷ କାର୍ଯ୍ୟ ଆଗେଇ ପାରିନଥିବା ବେଳେ ଏହି ବର୍ଷା ଚାଷୀଙ୍କ ପାଇଁ ଖୁସି ଆଣିଥିଲା ।