ବୌଦ୍ଧ:ସ୍ବାଧୀନତାକୁ ଦୀର୍ଘ ବର୍ଷ ବିତିଛି । ବିକାଶ ନାଁରେ ମାଳ ମାଳ ଯୋଜନା ହେଉଛି । ପାଣି ଭଳି ଟଙ୍କା ଖର୍ଚ୍ଚ କରୁଛନ୍ତି ସରକାର । ହେଲେ ଆଜି ବି ଅନେକ ଗାଁରେ ଅପହଞ୍ଚ ବିକାଶ ଗାଡି । ଏବେ ବି ଲୋକଙ୍କ ପାଇଁ ଆମ୍ବୁଲାନ୍ସ ସେବା ପାଲଟିଛି ଦିବା ସ୍ବପ୍ନ । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ୯ ନମ୍ବର ଜୋନ ଅନ୍ତର୍ଗତ ପାଞ୍ଚରୁ ଉର୍ଦ୍ଧ୍ବ ପଞ୍ଚାୟତରୁ ବିକାଶର ଏଭଳି ନଗ୍ନ ଚିତ୍ର ସାମ୍ନାକୁ ଆସିଛି ।
ଗାଁକୁ ପହଞ୍ଚୁନି ଆମ୍ବୁଲାନ୍ସ, ଭୋଟ ବର୍ଜନର ଚେତାବନୀ ଦେଲେ ଗ୍ରାମବାସୀ
ଜିଲ୍ଲାର ତଳଗାଁ, ମହାଲିକପଡା, କୁଶଙ୍ଗ, ଆଢେଣୀଗଡ, ଛତରଙ୍ଗ ଭଳି ବିଭିନ୍ନ ପଞ୍ଚାୟତର ବଣପାହାଡ ଘେରା ଗ୍ରାମଗୁଡିକୁ ଅନେକ ସ୍ଥାନରେ ସବୁଦିନିଆ ରାସ୍ତା ନାହିଁ । ଫଳରେ ଏସବୁ ଗ୍ରାମ ଗୁଡିକରେ ସରକାରୀ ଯୋଜନା ଠିକରେ ପହଞ୍ଚି ପାରୁନାହିଁ । ଏପରିକି ଆମ୍ବୁଲାନ୍ସ ସେବା ମଧ୍ୟ ଠିକ୍ ସମୟରେ ପାଇପାରୁନାହାନ୍ତି ଲୋକେ । ତେଣୁ ଆବଶ୍ୟକସ୍ଥଳେ ରୋଗୀକୁ ଦୀର୍ଘ ଦୁଇ କିଲୋମିଟର ଭାରରେ ବୋହି ନେବାକୁ ପଡୁଛି ।