ବୌଦ୍ଧ: ବୌଦ୍ଧ ଜିଲ୍ଲାର କୋଣ ଅନୁକୋଣରେ ପୂରି ରହିଛି ଅନେକ ସାଂସ୍କୃତିକ ବିଭବ । ନିଆରା ପୂଜା ପରମ୍ପରା ସହିତ ଭିନ୍ନ ଭିନ୍ନ ସଂପ୍ରଦାୟରେ ରହିଛି ବିଭିନ୍ନ ପ୍ରକାରର ସ୍ଥାନୀୟ ପରମ୍ପରା । ତନ୍ମଧ୍ୟରୁ ଟୁକି ବ୍ରତ ଅନ୍ୟତମ । ବହୁ ବର୍ଷରୁ ପ୍ରଚଳିତ ଏହି ପରମ୍ପରା ଅତ୍ୟନ୍ତ ନିଆରା ।
ସୂଚନା ମୁତାବକ, ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ବସବାସ କରୁଥିବା ଜାତିଙ୍କ ମଧ୍ୟରୁ ମୋଚି ନାମକ ସଂପ୍ରଦାୟ ପ୍ରାଚୀନ କାଳରୁ ବାସ କରିଆସୁଛନ୍ତି । ଏମାନଙ୍କ ମଧ୍ୟରେ ଆଯ୍ୟୋତ୍ତର ସଂପ୍ରଦାୟରୁ ବ୍ରତର ବିଧି ବ୍ୟବସ୍ଥା ରହିଛି । କିନ୍ତୁ ଆଶ୍ଚର୍ଯ୍ୟ ବିଷୟ ହେଉଛି ଏହି ବ୍ରତ କେବଳ କୁମାରୀ କନ୍ୟା ବା ଝିଅମାନେ ହିଁ କରିଥାଆନ୍ତି । କାରଣ ପରମ୍ପରା ଅନୁଯାୟୀ ଯଦି କୌଣସି ଝିଅ ଏହି ବ୍ରତ ନକରେ, ତେବେ ତାକୁ କୌଣସି ପୁଅ ବିବାହ କରିବେ ନାହିଁ । ତେଣୁ ଏହି ବ୍ରତର ନାମ ଟୁକି ବ୍ରତ ବୋଲି ରଖାଯାଇଛି ।
ଭିଡିଓ ସୌଜନ୍ଯ; ପ୍ରତିନିଧି, ବୌଦ୍ଧ