ବୌଦ୍ଧ: ମହାନଦୀରେ ବନ୍ୟା ଆଶଙ୍କା ଟଳିଥିଲେ ମଧ୍ୟ କୋରୋନା କିନ୍ତୁ କାୟା ବିସ୍ତାର କରିବାରେ ଲାଗିଛି । ସେପଟେ ବନ୍ୟା ପୀଡିତଙ୍କ ନିକଟରେ ସୋମବାର କଂଗ୍ରେସ ବିଧାୟକ ପହଞ୍ଚିବା ପରେ ମଙ୍ଗଳବାର ସ୍ଥାନୀୟ ବିଜେଡି ବିଧାୟକ ପହଞ୍ଚି ସ୍ଥାନୀୟ ଲୋକଙ୍କ ସହ ଆଲୋଚନା କରିଛନ୍ତି ।
ବନ୍ୟା ପ୍ରଭାବିତ ଅଞ୍ଚଳରେ ସ୍ଥିତି ଅନୁଧ୍ୟାନ କଲେ ବୌଦ୍ଧ ବିଧାୟକ
ରାଜ୍ୟ ସହ ବୌଦ୍ଧ ଜିଲ୍ଲାରେ ମଧ୍ୟ ଥମିବାର ନା ନେଉନି କରୋନା ସଂକ୍ରମଣ । ପ୍ରତ୍ୟେକ ଦିନ ଛୋଟ ଏହି ଜିଲ୍ଲାରେ କୋଡିଏରୁ ଉର୍ଦ୍ଧ୍ବ ଆକ୍ରାନ୍ତ ଚିହ୍ନଟ ହେଉଛନ୍ତି । ବନ୍ୟା ଆଶଙ୍କା ଟଳିଥିଲେ ମଧ୍ୟ କୋରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢିଚାଲିଛି । ମଙ୍ଗଳବାର ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରୁ ନୂତନ ୨୫ ଆକ୍ରାନ୍ତ ଚିହ୍ନଟ ପରେ ମୋଟ ଆକ୍ରାନ୍ତଙ୍କ ସଂଖ୍ୟା 868ରେ ପହଞ୍ଚିଛି । ସେପଟେ କିନ୍ତୁ କୋରୋନା ଦୁଃଖ ଠାରୁ ବନ୍ୟା ପରବର୍ତ୍ତୀ ଦୁଃଖ ବେଶ ବଢିଯାଇଛି ।