ବୌଦ୍ଧ:ସ୍କୁଲ ପରିଦର୍ଶନ କଲେ ଜିଲ୍ଲପାଳ । ବୌଦ୍ଧ ଜିଲ୍ଲା ସଦର ବ୍ଲକ ତେତେଲେଙ୍ଗା ଓଡିଶା ଆଦର୍ଶ ବିଦ୍ୟାଳୟ ଓ ମେଣ୍ଢିମାଳ ହାଇସ୍କୁଲ ଗସ୍ତ କରି ଜିଲ୍ଲାପାଳ ପିଲାଙ୍କୁ ପାଠ ପଢ଼ାଇଲେ । ସ୍କୁଲର ବିଭିନ୍ନ ଉନ୍ନତିମୂଳକ କାର୍ଯ୍ୟ ପରିଦର୍ଶନ କରି ପିଲାଙ୍କ ସହ ଆଲୋଚନା କରିଛନ୍ତି ।
ସ୍କୁଲରେ ପିଲାଙ୍କୁ ପାଠ ପଢ଼ାଇଲେ ଜିଲ୍ଲାପାଳ
ବୌଦ୍ଧ ଜିଲ୍ଲାରେ ଶିକ୍ଷା ବ୍ୟବସ୍ଥାରେ ଅବ୍ୟବସ୍ଥା ନେଇ ବାରମ୍ବାର ଅଭିଯୋଗ ଆସୁଛି । ଏହି ପରିପ୍ରେକ୍ଷୀରେ ଜିଲ୍ଲାପାଳ ଅଚାନକ ସ୍କୁଲ ଗସ୍ତ କରି ବିଭିନ୍ନ ସମସ୍ୟା ଏବଂ ପାଠପଢା ନେଇ ଛାତ୍ରଛାତ୍ରୀଙ୍କ ସହ ଆଲୋଚନା କରିଛନ୍ତି । ବୌଦ୍ଧର ନୂତନ ଜିଲ୍ଲାପାଳ ସତ୍ୟ ରଞ୍ଜନ ସାହୁ ଗୁରୁବାର ହଠାତ 5T ଅନ୍ତର୍ଗତ ଥିବା ବୌଦ୍ଧ ସଦର ବ୍ଲକ ତେତେଲେଙ୍ଗା ଓଡିଶା ଆଦର୍ଶ ବିଦ୍ୟାଳୟ ଓ ମେଣ୍ଢିମାଳ ହାଇସ୍କୁଲରେ ପହଞ୍ଚିଥିଲେ । ଆଦର୍ଶ ବିଦ୍ୟାଳୟରେ ପହଞ୍ଚି ଜିଲ୍ଲାପାଳ ଛାତ୍ରଛାତ୍ରୀଙ୍କ ସହିତ ଆଲୋଚନା କରିବା ସହିତ ସେମାନଙ୍କୁ ନୈତିକ ଶିକ୍ଷାଦାନ କରିଥିଲେ । ବିଶେଷ ଭାବରେ କମ୍ପ୍ୟୁଟର ଶିକ୍ଷାଦାନ ଉପରେ ଗୁରୁତ୍ୱାରୋପ କରିଥିଲେ ।