ବୌଦ୍ଧ: ବୌଦ୍ଧ ଜିଲ୍ଲାରେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ବୌଦ୍ଧ ଜିଲ୍ଲାର ଚାରିଛକ, କଣ୍ଟାମାଳ,ବାଉଁଶୁଣୀ, ମନମୁଣ୍ଡା, ବୌଦ୍ଧ ସହରର ବିଭିନ୍ନ ସ୍ଥାନରେ ବ୍ଲକିଂ ଓ ଚେକିଂକୁ ଯୋରଦାର କରାଯାଇଛି ।
ବୌଦ୍ଧ ସହର ପ୍ରମୁଖ ଅଞ୍ଚଳକୁ ବ୍ଲକିଂ କଲା ପୋଲିସ
ସେପଟେ ପ୍ରଥମ ଥର ପାଇଁ ବୌଦ୍ଧ ପୋଲିସ ଏନଏସି ଛକ ଠାରୁ ଟାଉନହଲ ଛକ ଓ ଭୈରବୀ ବଜାର ଠାରୁ ଗଣେଶ ବଜାର ଛଟ ପର୍ଯ୍ୟନ୍ତ ସମସ୍ତ ବଜାର ସ୍ଥାନକୁ ବ୍ଲକିଂ କରିଯାଇଥିଲା । ତଥାପି ଅନେକ ଅମାନିଆ ବାଇକ ଧରି ବୁଲୁଥିବାରୁ ପୋଲିସ ସୋମାନଙ୍କଠାରୁ ଫାଇନ ଆଦାୟ କରିଥିଲା । ସେହିପରି ଜିଲ୍ଲାର ବିଭିନ୍ନ ଅଞ୍ଚଳରୁ ଶୁକ୍ରବାର 365 ପଜିଟିଭ ଚିହ୍ନଟ ପରେ ପ୍ରଶାସନ ପକ୍ଷରୁ ପୁଣି ନୂତନ 18 ଗୋଟି ସଂକ୍ରମିତ ଅଞ୍ଚଳକୁ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି ।