ବୌଦ୍ଧ: ବିଜେପି ଯୁବ ନେତା ମର୍ଡରର ତଦନ୍ତକୁ ନେଇ ଅସନ୍ତୁଷ୍ଟ ବିଜେପି । ଏହି ହତ୍ୟାକାଣ୍ଡର କ୍ରାଇମବ୍ରାଞ୍ଚ କିମ୍ବା ସିବିଆଇ ତଦନ୍ତ ଦାବି କରି ଆଜି (ଗୁରୁବାର) ଜିଲ୍ଲା ଏସପିଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ । ଜିଲ୍ଲା ସିଆଲଝୁଲି ଗ୍ରାମର ବିଜେପି ଯୁବ ନେତା ଲୋକନାଥ ହତ୍ୟାକାଣ୍ଡକୁ ଆଜି ତେର ଦିନ ପୂରିଛି । ହେଲେ ଏବେବି ତଦନ୍ତ ଠିକରେ ହୋଇନଥିବା ଜିଲ୍ଲା ବିଜେପି ଅଭିଯୋଗ କରିଛି ।
ବିଜେପି ନେତା ଲୋକନାଥ ହତ୍ୟାକାଣ୍ଡ ତଦନ୍ତକୁ ନେଇ ଦଳ ପକ୍ଷରୁ ଧାରଣା
ଏଠାରେ ପ୍ରକାଶ ଥାଉକି ଏହି ବହୁ ଚର୍ଚ୍ଚିତ ହତ୍ୟାକାଣ୍ଡରେ ବୌଦ୍ଧ ପୋଲିସ ତିନି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । କିନ୍ତୁ ଏହି ଘଟଣାର ପଛରେ ଆହୁରି କେତେକଙ୍କ ପ୍ରତ୍ୟକ୍ଷ ବା ପରୋକ୍ଷରେ ହାତ ଥିବା ବିଜେପି ବାରମ୍ବାର ଅଭିଯୋଗ କରିଆସୁଛି । ବୁଧବାର କଣ୍ଟାମାଳ ଥାନା ସମ୍ମୁଖରେ ବିଜେପି ପକ୍ଷରୁ ଧାରଣା ଦିଆଯିବା ପରେ ଆଜି ବୌଦ୍ଧ ଏସପିଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ ।