ବୌଦ୍ଧ:ଶାରଦୀୟ ଦୁର୍ଗା ପୂଜା ଅବସରରେ ଚଳଚଞ୍ଚଳ ହୋଇ ଉଠିଛି ପୂରପଲ୍ଲୀ । ମା'ଙ୍କ ଦୁର୍ଗାଷ୍ଟମୀ ଅବସରରେ ବୌଦ୍ଧ ଜିଲ୍ଲାରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଜିଲ୍ଲା ବଜରଙ୍ଗ ଦଳ ପକ୍ଷରୁ ଅସ୍ତ୍ର ପୂଜନ ଉତ୍ସବ ପାଳନ କରାଯାଇଛି । ଏକ ଭବ୍ୟ ଶୋଭାଯାତ୍ରାରେ ନଗର ପରିକ୍ରମା ସହିତ କୁମାରୀ କନ୍ୟାଙ୍କୁ ପୂଜା କରାଯାଇଛି ।
ବଦରଙ୍ଗ ଦଳର ଅସ୍ତ୍ର ପୂଜନ କାର୍ଯ୍ୟକ୍ରମ
ଶାରଦୀୟ ଦୁର୍ଗାଷ୍ଟମୀ ଉପଲକ୍ଷେ ଆୟୋଜିତ ଏହି କାର୍ଯ୍ୟକ୍ରମରେ ଶତାଧିକ ଯୁବକ ଅସ୍ତ୍ର ଶସ୍ତ୍ର ଧରି ଏକ ବିରାଟ ଶୋଭାଯାତ୍ରାରେ ସାରା ବୌଦ୍ଧ ସହର ପରିକ୍ରମା କରିଥିଲେ । ବୌଦ୍ଧ ଅଞ୍ଚଳର ପାରମ୍ପରିକ ତଥା ପ୍ରାଚୀନ ଲୋକନୃତ୍ୟ ଝାଲିଆ ଶବର,ଦେବୀ ସମର୍ପଣ ଭଳି ଲୋକକଳା ପ୍ରଦର୍ଶିତ ହୋଇଥିଲା । ଅସ୍ତ୍ର ଶୋଭାଯାତ୍ରା ପାଇଁ ଜିଲ୍ଲା ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା ନେଇ ବ୍ୟାପକ ବନ୍ଦୋବସ୍ତ କରାଯାଇଥିଲା।